नेपाल बैङ्कका कर्मचारीको जीवन बिमा नेसनल लाइफ इन्स्योरेन्समा हुने, सम्झौतापत्रमा हस्ताक्षर

काठमाडौँ, असोज १ गते । नेपाल बैङ्क लिमिटेडमा कार्यरत कर्मचारीहरूको जीवन बिमा नेसनल लाइफ इन्स्योरेन्स कम्पनी लिमिटेडमा हुने भएको छ। कर्मचारीहरूको जीवन तथा आर्थिक सुरक्षालाई थप सुदृढ बनाउने उद्देश्यका साथ दुवै संस्थाबिच बुधबार औपचारिक सम्झौतापत्रमा हस्ताक्षर भएको हो।

नेपाल बैङ्कका तर्फबाट सहायक प्रमुख कार्यकारी अधिकृत दीपेन्द्रराज काफ्ले र नेसनल लाइफ इन्स्योरेन्सका तर्फबाट नायब प्रमुख कार्यकारी अधिकृत स्मृतिराज कँडेलले सम्झौतापत्रमा हस्ताक्षर गर्नुभएको छ। सम्झौता अनुसार बैङ्कमा कार्यरत सम्पूर्ण कर्मचारीहरूलाई जीवन सुरक्षालक्षित बिमा सुविधा तथा जोखिम व्यवस्थापनको सेवा प्रदान गरिनेछ।

सम्झौता कार्यक्रममा दुवै संस्थाका उच्च पदाधिकारीहरूको उपस्थिति रहेको थियो। सहभागी अधिकारीहरूले संस्थाको सफलतामा महत्त्वपूर्ण योगदान पुर्‍याउने कर्मचारीहरूको कल्याण, सुरक्षा र दीर्घकालीन हितका लागि जीवन बिमा अपरिहार्य रहेको बताउँदै यस सहकार्यले दुई संस्थाबिचको व्यावसायिक सम्बन्धलाई थप उचाइमा पुर्‍याउने विश्वास व्यक्त गर्नुभयो।

नेसनल लाइफले जारी गरेको विज्ञप्तिअनुसार यस बिमा सुविधाले बैङ्कका कर्मचारी तथा तिनका परिवारलाई आर्थिक जोखिमबाट थप सुरक्षा र राहत प्रदान गर्नेछ।

सम्झौताको मुख्य विवरण: