मुस्ताङ, कात्तिक ५ गते । निजी वायुसेवा कम्पनीका ट्विनअटर विमानको नियमित मर्मत र पर्यटकको चाप घटेको कारण पोखरा–जोमसोम नियमित हवाई सेवा पाँच महिनाका लागि स्थगित गरिएको छ।
पोखराबाट जोमसोमका लागि नियमित उडान गर्दै आएका तारा एयरलाइन्स र समिट एयरलाइन्सले पर्यटकको सिजनमै हवाई उडान बन्द गरेका हुन्।
जोमसोम विमानस्थलका प्रमुख विश्वराज शर्माका अनुसार बाढीपहिरोका कारण अन्तर्राष्ट्रिय स्तरमा प्रवाह भएको गलत सन्देशले यस सिजनमा मुस्ताङमा यात्रुको चाप घटेको छ भने लुक्लालगायत अन्य हिमाली जिल्लामा पर्यटकको चाप बढी हुँदा विमानहरू त्यसतर्फ केन्द्रित भएका छन्।
नियमित उडान बन्द भए पनि चार्टर उडान भने जारी रहने विमानस्थलले जनाएको छ।
What if you could work from Anywhere?
Explore More with something that can change your Life!
