रुसी राष्ट्रपति पुटिन युक्रेन र अमेरिकासँग त्रिपक्षीय शान्ति वार्ता गर्न सहमत

काठमाडौँ, कात्तिक ५ गते । रुसी राष्ट्रपति भ्लादिमिर पुटिन युक्रेन र अमेरिकासँग त्रिपक्षीय शान्ति वार्ता गर्न सहमत भएका छन्।

अमेरिकी राष्ट्रपति डोनाल्ड ट्रम्पका विशेष दूत स्टिभ विटकफसँग रुसको सेन्ट पिटर्सबर्गमा भएको भेटपछि पुटिन वार्ताका लागि सहमत भएका हुन्।

राष्ट्रपति पुटिनका विदेश मामिला सल्लाहकार युरी उशाकोभका अनुसार नोभेम्बर १० पछि अबुधाबीमा यो वार्ता हुन सक्ने सम्भावना रहेको छ, यद्यपि मिति र कार्यतालिका भने निश्चित भइसकेको छैन।

ट्रम्पले युक्रेन युद्ध अन्त्य गर्ने प्रयास तीव्र बनाए पनि पूर्वी युक्रेनको भूभाग, सुरक्षा प्रत्याभूति र नेटो सदस्यताजस्ता मुद्दाहरूमा रुस र युक्रेनबीच अझै पनि ठूलो मतभेद कायम रहेको छ।