युद्ध अन्त्यका लागि अमेरिकाको जवाफप्रति इरान असन्तुष्ट; पूर्वाधारमा लक्षित गर्ने चेतावनी

काठमाडौँ, असोज २६ गते । युद्ध अन्त्यका लागि अमेरिकाले दिएको पछिल्लो जवाफप्रति इरानले असन्तुष्टि व्यक्त गरेको छ। इरानले उक्त प्रस्तावलाई अपर्याप्त ठहर गर्दै यदि युद्ध पुनः चर्किएमा क्षेत्रीय डेटा सेन्टर, सञ्चार केबल तथा कृत्रिम बुद्धिमत्ता (एआई) सम्बन्धी पूर्वाधारलाई लक्षित गर्न सक्ने चेतावनी दिएको छ।

इरानको सर्वोच्च राष्ट्रिय सुरक्षा परिषद्का प्रमुख मोहसेन रेजाईले अमेरिकाले प्रस्तावका केही सर्त स्वीकार गरे पनि धेरै विषयमा स्पष्टता नभएको बताउनुभएको छ। यसैबीच, साउदी अरबको रियादस्थित विमानस्थलमा पुनः आक्रमण भएको छ भने यमनका हुथी विद्रोहीले यसको जिम्मेवारी लिँदै थप आक्रमणको चेतावनी दिएका छन्।

यता, इजरायलमा प्रधानमन्त्री बेन्जामिन नेतान्याहुविरुद्ध चलिरहेको भ्रष्टाचारसम्बन्धी मुद्दामा पूर्व महान्यायाधिवक्ता अविचाई म्यान्डेलब्लिटले अदालतसमक्ष बयान दिनुभएको छ। गाजा र लेबनानतर्फ भइरहेका लगातारका आक्रमणले मध्यपूर्वमा तनाव थप बढाएको छ।