आन्तरिक राजस्व विभागको करदाता प्रोत्साहन उपहार कार्यक्रम: असोज १६ देखि ३१ गतेसम्मको कुपन कात्तिक १ गते खोलिने

काठमाडौं, असोज २९ गते । आन्तरिक राजस्व विभागद्वारा पाक्षिक रूपमा सञ्चालन हुने करदाता प्रोत्साहन उपहार कार्यक्रमअन्तर्गत सम्वत् २०८३ आश्विन १६ गतेदेखि ३१ गतेसम्मको उपहार कुपन कात्तिक १ गते खोलिने तथा विजेताको घोषणा गरिने भएको छ।

उल्लेखित अवधिभित्र नगद भुक्तानी गरी वस्तु तथा सेवा खरिद गर्ने उपभोक्ताहरूले असोज ३१ गते शनिबारभित्र खरिद बिलको विवरण प्रविष्टि गरी उपहार कुपन प्राप्त गर्न सकिने अर्थ मन्त्रालयले जनाएको छ।

पुरस्कार प्राप्त गर्न खरिद बिल अनिवार्य भएकाले सम्पूर्ण उपभोक्ताले वस्तु तथा सेवा खरिद गर्दा अनिवार्य रूपमा खरिद बिल लिन तथा सबै व्यवसायीहरूलाई वस्तु तथा सेवा बिक्री गर्दा अनिवार्य रूपमा बिक्री बिल–बिजक जारी गर्न अनुरोध गरिएको छ।