मेस्सीको चार गोल : इन्टर मियामीको ७–१ को फराकिलो जित, पाँच खेलपछि आयो जितको सिजन

काठमाडौं / मियामी – फुटबल जगतका महानायक लियोनल मेस्सीले अर्को अविस्मरणीय प्रदर्शन गर्दै इन्टर मियामीलाई शानदार जित दिलाउनुभएको छ। मेस्सीले एकै खेलमा चार गोल गरेपछि इन्टर मियामीले शनिबार राति भएको एमएलएस खेलमा सीएफ मोन्ट्रियललाई ७–१ गोल अन्तरले पराजित गरेको हो। क्लबको इतिहासमै एक खेलमा सबैभन्दा धेरै (७) गोल गर्दै मियामीले लगातार पाँच खेलको जितविहीन यात्रा पनि अन्त्य गरेको छ।

खेलको मुख्य आकर्षण : मेस्सीको ‘मास्टरक्लास’

म्याचको ४०औं मिनेटमा मेस्सीले डिफ्लेक्ट फ्रि–किक मार्फत पहिलो गोल गर्नुभयो। त्यसपछि ५२औं मिनेटमा अचम्मको एकल प्रयासबाट उनले दोस्रो गोल थपे। लुइस सुआरेजलाई सुन्दर असिस्ट दिएपछि अर्जेन्टिनी सुपरस्टारले ७३औं मिनेटमा गोलकिपरलाई ‘चिप’ गर्दै ह्याट्रिक पूरा गर्नुभयो।

तर, उनी त्यहीँ रोकिएनन्। खेलको इन्जुरी समय (स्टपेज टाइम) को गहिराइमा मेस्सीले अर्को फ्रि–किक लिए र आफ्नो चिन्हारी ‘ट्रेडमार्क’ शैलीमा बल जालीको छेउमा छिराउनुभयो – यो उनको चौथो गोल थियो।

“मेस्सी टोलीमा हुनुको अर्थ नै यही हो,” – मियामीका मिडफिल्डर कासिमिरोले एप्पल टिभीसँग भने, “हामीले यी क्षणहरूको आनन्द लिनुपर्छ किनभने उनी इतिहास रच्ने व्यक्ति हुन्। उनी विश्वकपमा पनि साबित भइसकेका छन्, उनी नै सर्वश्रेष्ठ हुन्।”

मेस्सीको अर्को इतिहास

मेस्सीको करियरमा यो आठौं पटक हो जब उनले एक खेलमा चार वा सोभन्दा बढी गोल गरेका छन्। मियामीमा आएयता भने यो पहिलो पटक हो। यसअघि उनले सन् २०२० फेब्रुअरीमा स्पेनिस ला–लिगामा बार्सिलोनाका लागि इबारविरुद्ध चार गोल गरेका थिए।

यसैगरी, ३९ वर्षीय मेस्सी एमएलएस इतिहासमा २० बहु–गोल खेल (एक खेलमा २ वा सोभन्दा बढी गोल) पूरा गर्ने सबैभन्दा छिटो खेलाडी बनेका छन्। उनले यो उपलब्धि मात्र ७२ उपस्थिति मा हासिल गरेका हुन्।

त्यस्तै, यो सिजन एमएलएसमा मेस्सीले १९ खेलमा १८ गोल गर्दै गोल्डेन बुटको दौडमा अग्रता लिइरहेका छन्। उनी दोस्रो स्थानका पेटार मुसा (एफसी डालास) भन्दा २ गोल अगाडि छन्।

मेस्सीको गोल मात्र होइन, उनले लुइस सुआरेज लाई एक सुन्दर असिस्ट पनि प्रदान गरे, जसले गर्दा सुआरेजले पनि गोल गर्न सफल भए। ब्राजिलियन स्टार कासिमिरोले गर्मीयाममा मियामी आएपछि पहिलो गोल गर्दा खेलको सुरुवात गरेका थिए भने १८–वर्षीय युवा खेलाडी अलेक्जेन्डर शले ८९औं मिनेटमा गोल गर्दै टिमको सातौं गोल पूरा गरे।

खेलमा ‘लेट किकअफ’ नियम उल्लङ्घन गरेको कारणले गर्दा कार्यवाहक प्रशिक्षक गुइलेर्मो होयोस स्ट्यान्डबाट खेल हेर्न बाध्य हुनुभएको थियो। उहाँले मेस्सीको प्रदर्शनबारे भन्नुभयो – “यस्तो फुटबल सौन्दर्यको वर्णन गर्न शब्द नै पुग्दैन। उनी निरन्तर त्यो गोल, त्यो पासको खोजीमा रहन्छन्। म उनलाई साधारण खेलाडी ठान्दिनँ।”

क्लबले यस साता क्रिस्टियन ‘किली’ गोन्जालेज लाई स्थायी प्रशिक्षक नियुक्त गरे पनि उहाँको कार्यानुमति (वर्क परमिट) आउन बाँकी छ।

यो जितसँगै इन्टर मियामी पूर्वी कन्फ्रेन्सको दोस्रो स्थानमा कायम छ, जुन न्याशभिल एससीभन्दा १० अंकले पछाडि छ। पराजित मोन्ट्रियल भने १४औं (दोस्रो अन्तिम) स्थानमा छ। मोन्ट्रियलका लागि मेस्सीका पूर्व बार्सिलोना टिमसाथी एलेक्सिस सान्चेज ले दोस्रो हाफमा डेब्यू गरेका थिए।