बेमौसमी प्रतिकूलताका बाबजुद मनास्लु क्षेत्रमा पर्यटकको उत्साहजनक उपस्थिति

भौगोलिक विकटता, बाढी र हिमपातका बाबजुद पनि विश्वकै आठौँ अग्लो मनास्लु हिमाल क्षेत्रमा आन्तरिक तथा बाह्य पर्यटकको संख्या निरन्तर वृद्धि।

By सेतो प्रेस संवाददाता
४४ मिनेट अगाडी

Font size Print

सुलीकोट, साउन ७ गते । उत्तरी गोरखाको मनास्लु क्षेत्रमा प्रतिकूल मौसमका बाबजुद पर्यटक आगमनमा उल्लेख्य वृद्धि भएको छ। गत एक वर्ष (साउन–असार) को अवधिमा कुल १६ हजार ६७१ जना पर्यटकले मनास्लु क्षेत्रको भ्रमण गरेका छन्, जुन अघिल्लो वर्षको तुलनामा ४१ प्रतिशतले बढी हो।

मनास्लु संरक्षण क्षेत्र आयोजना (एमक्याप) गोरखाका अनुसार भ्रमण गर्नेमध्ये १५ हजार २५३ जना विदेशी, ६३४ जना सार्क राष्ट्रका र ७८४ जना नेपाली पर्यटक रहेका छन्।

साम्दो, सामागाउँ र ल्हो गाउँको मौलिक संस्कृति, अविकृत हिमाली सौन्दर्य तथा शान्त वातावरणका कारण मनास्लु पदमार्गमा पर्यटकको आकर्षण बढेको हो। पर्यटकको संख्या बढेसँगै उत्तरी गोरखाका होटल व्यवसायी तथा स्थानीयको आम्दानीका स्रोतसमेत विस्तार हुँदै गएको छ।