मुस्ताङमा पर्यटन व्यवसायमा आशा: बेनी–जोमसोम सडक खुल्दा एकैदिन भित्रिए सयौँ पर्यटक

मुस्ताङ, असोज २७ गते । बाढीपहिरो र नदी कटानका कारण १८ दिनदेखि पर्यटक आगमन ठप्प हुँदा गम्भीर रूपमा प्रभावित बनेको मुस्ताङको पर्यटन व्यवसायमा पुनः आशा पलाएको छ। अवरुद्ध रहेको बेनी–जोमसोम सडक सञ्चालनमा आएलगत्तै सोमबार सडकमार्ग हुँदै ८६० जना पर्यटक मुस्ताङ प्रवेश गरेका छन्।

असोज ८ देखि ११ गतेसम्मको अविरल वर्षाका कारण सडक अवरुद्ध भएपछि मुस्ताङका होटल, रेस्टुरेन्ट तथा पर्यटकीयस्थलहरू पूर्ण रूपमा सुनसान बनेका थिए। सडक खुलेसँगै पर्यटकको आवतजावत बढेपछि पर्यटन व्यवसायीहरू उत्साहित भएका छन्।

जिल्ला प्रहरी कार्यालय मुस्ताङका अनुसार सोमबार साँझसम्म २६८ वटा सवारीसाधनबाट स्वदेशी तथा विदेशी पर्यटकहरू मुस्ताङ भित्रिएका छन् भने हवाईमार्ग र थोरैला पास पार गरेर आउने पर्यटकहरू पनि पुगेका छन्। दसैँको समयमा मुस्ताङ भ्रमण गर्ने पर्यटकहरूको सङ्ख्या अझ बढ्ने अपेक्षा गरिएको छ।

मुस्ताङ पर्यटन तथ्याङ्क तथा विवरण तालिका