प्रहरीको कार्यसम्पादन प्रविधिमैत्री र निष्पक्ष हुनुपर्छ: प्रधानमन्त्री शाह

काठमाडौँ, असोज २६ गते । प्रधानमन्त्री वालेन्द्र शाहले प्रहरी अनुसन्धानलाई निष्पक्ष, तथ्यपरक, वैज्ञानिक र प्रविधिमैत्री बनाउन सूचना प्रविधिको प्रभावकारी सदुपयोग गर्न प्रहरी निरीक्षकहरूलाई कडा निर्देशन दिनु⁠भएको छ।

राष्ट्रिय प्रहरी प्रशिक्षण प्रतिष्ठान, महाराजगन्जमा आयोजित प्रहरी निरीक्षक आधारभूत तालिमको १८४औँ समूहको दीक्षान्त समारोहलाई सम्बोधन गर्दै उहाँले सो कुरा बताउनु⁠भएको हो।

प्रहरी सेवालाई प्रभावकारी, पारदर्शी र विश्वसनीय बनाउन प्रविधिको प्रयोग अपरिहार्य रहेको औंल्याउँदै प्रधानमन्त्री शाहले प्रविधिको सहि सदुपयोगले अपराध नियन्त्रण तथा अनुसन्धानमा छिटो र प्रभावकारी परिणाम हासिल गर्न सकिने स्पष्ट पार्नु⁠भयो। अपराधका स्वरूपहरूमा आएको परिवर्तनसँगै प्रहरीको कार्यक्षमता र अनुसन्धान पद्धति पनि समयानुकूल विकास गर्नुपर्नेमा उहाँले जोड दिनुभयो।

प्रधानमन्त्री शाहले प्रहरी सेवामा प्रवेश गर्नेहरूका लागि नैतिकता, निष्ठा र इमानदारी पहिलो मानक हुनुपर्नेमा जोड दिनुभयो। संविधान, कानुन र कार्यविधिहरूको पूर्ण पालना गर्दै कुनै पनि किसिमको अनुचित प्रभाव वा दबाबमा नपरी निष्पक्ष ढङ्गले कर्तव्य पालना गर्न उहाँले दीक्षित प्रहरी निरीक्षकहरूलाई निर्देशन दिनुभयो।

सङ्गठनको मर्यादा र प्रतिष्ठा कायम राख्दै नागरिकको भावना र अपेक्षाअनुसार सेवा प्रवाह गर्न र व्यक्तिगत स्वार्थभन्दा माथि उठेर जिम्मेवारी बहन गर्न प्रधानमन्त्रीको विशेष आग्रह रहेको थियो।

प्रधानमन्त्रीका मुख्य निर्देशन तथा सम्बोधनका बुँदाहरू