प्रधानमन्त्री शाह लोकतन्त्रप्रति अनुदार छन्: एमाले महासचिव पोखरेल

काठमाडौँ, असोज २७ गते । नेकपा (एमाले) का महासचिव शङ्कर पोखरेलले प्रधानमन्त्री बालेन्द्र शाहको लोकतन्त्रप्रति निष्ठा नरहेको आरोप लगाउनुभएको छ। प्रेस चौतारी दाङले घोराहीमा आयोजना गरेको पत्रकार भेटघाट कार्यक्रममा बोल्दै उहाँले प्रधानमन्त्रीको व्यवहार र कार्यशैली पूर्ण रूपमा अलोकतान्त्रिक रहेको दाबी गर्नुभयो।

प्रधानमन्त्री शाहले पार्टी र संसद्‍मा समेत लोकतान्त्रिक चरित्र प्रदर्शन गर्न नसकेको उल्लेख गर्दै महासचिव पोखरेलले लोकतन्त्रको सम्मान गर्न नसक्ने व्यक्तिले राज्यको नेतृत्व गर्नु अमिल्दो कुरा भएको बताउनुभयो।

व्यक्तिको स्वेच्छाचारी पक्राउ र धरपकडजस्ता गतिविधिले निरङ्कुशतालाई प्रश्रय दिइरहेको र नागरिकलाई आतङ्कित पार्ने काम भइरहेको उहाँको भनाइ छ। प्रेस र व्यवसायीहरूप्रति गरिएको व्यवहारले पनि प्रधानमन्त्री लोकतन्त्रप्रति अनुदार रहेको स्पष्ट हुने उहाँले जिकिर गर्नुभयो।