घरबाटै युवक बेपत्ता भएपछि सप्तरीमा प्रहरी चौकी घेराउ, भारतीय प्रहरीले लगेको आशङ्का

सप्तरी, भदौ ३१ गते । सप्तरीको बलान बिहुल गाउँपालिका–४ बेल्हीका २४ वर्षीय अभिनन्द यादव घरबाटै अपहरणको शैलीमा बेपत्ता पारिएको भन्दै आक्रोशित आफन्त र स्थानीयवासीले बेल्हीस्थित प्रहरी चौकी घेराउ गरेका छन्। सोमबार राति करिब १२ बजे ६–७ जनाको समूहले परिवारलाई पेस्तोल देखाएर सुतिरहेका अभिनन्दलाई नियन्त्रणमा लिएर गएको उनका काका अमोद यादवले जानकारी दिनुभयो।

गाउँमै प्रहरी चौकी र सशस्त्र प्रहरीको बीओपी हुँदाहुँदै युवक बेपत्ता पारिएको र प्रहरीले तत्काल खोजीमा चासो नदेखाएको भन्दै स्थानीयले प्रदर्शन गरेका हुन्। वडाध्यक्ष लक्ष्मीनारायण झाले घटना गम्भीर भएको भन्दै तत्काल खोजी गरी परिवारलाई सत्यतथ्य जानकारी गराउन माग गर्नुभयो।

जिल्ला प्रहरी कार्यालय सप्तरीका प्रवक्ता प्रहरी नायब उपरीक्षक (डिएसपी) हेमराज घिमिरेका अनुसार अभिनन्द भारतमा गम्भीर अपराधमा संलग्न रहेको र भारतीय प्रहरीले नियन्त्रणमा लिएर गएको प्रारम्भिक सूचना प्राप्त भएको छ। प्रहरीले भारतीय पक्षसँग समन्वय गरी घटनाको थप विवरण सङ्कलन भइरहेको जनाएको छ।

घटनाको मुख्य विवरण: