नेप्सेमा १०.६७ अंकको गिरावट, कारोबार ४ अर्ब १६ करोडमा सीमित

काठमाडौं, भदौ ५ गते । अघिल्लो कारोबार दिन ७.१७ अंकले बढेको सेयर बजारमा शुक्रबार पुन: गिरावट आएको छ। बजार परिसूचक नेप्से १०.६७ अंकले घट्दै २६१८ विन्दुमा ओर्लिएको छ। परिसूचकसँगै दैनिक कारोबार रकममा पनि केही गिरावट आई अघिल्लो दिनको ४ अर्ब ४० करोडको तुलनामा घटेर आज ४ अर्ब १६ करोड रुपैयाँमा सीमित भएको छ।

आज कुल ७० कम्पनीको सेयर मूल्य बढ्दा १९८ कम्पनीको मूल्य घटेको छ भने १० कम्पनीको मूल्य स्थिर रहेको छ। उपसूचकहरूतर्फ हेर्दा ‘अन्य’ समूहमा सर्वाधिक १.०६ प्रतिशतको गिरावट दर्ता भयो। यस्तै, व्यापार (०.६८%), जलविद्युत् (०.६६%), विकास बैंक (०.५४%), उत्पादन तथा प्रशोधन (०.४६%) लगायत बाँकी सबै समूहका सूचकहरू राताम्मे रहे।

समूहगत कारोबारतर्फ ६० प्रतिशत हिस्सासहित जलविद्युत् समूह अग्रस्थानमा रह्यो, जसको कुल २ अर्ब ५० करोड रुपैयाँ बराबरको सेयर खरिदबिक्री भयो। कम्पनीगत आधारमा हालै सूचीकृत सर्वोत्तम पेन्ट्सको मूल्य १५ प्रतिशतले बढ्यो भने पन्चकन्या माइ हाइड्रोको १३.८६ प्रतिशतले वृद्धि भयो। अर्कोतर्फ, धौलागिरि लघुवित्तको मूल्य सर्वाधिक ५.२६ प्रतिशतले घट्दा रकमका आधारमा रिलायन्स स्पिनिङ मिल्स र सोलु हाइड्रोपावर प्रमुख स्थानमा रहे।

बढेका सेयरहरू (Gainers)

घटेका सेयरहरू (Losers)