बढ्यो सेयर बजार: नेप्से २६२५ विन्दुमा कायम, ४ अर्ब ७० करोडको कारोबार

काठमाडौं, असोज २९ गते । बिहीबार सेयर बजारमा वृद्धि देखिएको छ। अघिल्लो दिन २१.३२ अंकले बढेको बजार आज ४.५६ अंकले बढेसँगै नेप्से परिसूचक २६२५ विन्दुमा कायम भएको छ।

यस दिन कारोबार रकममा पनि केही सुधार आएको छ। यसअघि ४ अर्ब १३ करोड रुपैयाँको कारोबार भएकोमा आज बढेर ४ अर्ब ७० करोड रुपैयाँ पुगेको छ। कुल २१५ भन्दा बढी कम्पनीको सेयर कारोबार हुँदा ७१ कम्पनीको मूल्य बढेको छ भने ९१ कम्पनीको घटेको छ र १५ कम्पनीको मूल्य स्थिर रहेको छ।

समूगत रूपमा हेर्दा लामो समयपछि बैंकिङ समूह ०.१६ प्रतिशतले घटेको छ भने फाइनान्स समूह सबैभन्दा धेरै १.०३ प्रतिशतले बढेको छ। त्यसैगरी, विकास बैंक ०.३५, होटल तथा पर्यटन ०.२७, जलविद्युत् ०.६०, लगानी ०.७८, जीवन बीमा ०.१६, माइक्रोफाइनान्स ०.३८ र निर्जीवन बीमा समूह ०.५४ प्रतिशतले बढेका छन्। घटेका समूहमा बैंकिङबाहेक अन्य ०.१९, व्यापार ०.५५ र उत्पादन तथा प्रशोधन समूह ०.०६ प्रतिशतले घटेका छन्।

हालै सूचीकृत भएको बेनी हाइड्रोपावरको सेयरमूल्यमा सकारात्मक सर्किट लागेसँगै १५ प्रतिशतले बढेर प्रतिकित्ता ३१३ रुपैयाँ ९० पैसा पुगेको छ। साथै, हिमालयन एभरेस्ट इन्स्योरेन्स, मञ्जुश्री फाइनान्स, रिडी पावर लगायतका कम्पनीका लगानीकर्ताले कमाएका छन्।

सर्वाधिक मूल्य बढेका कम्पनीहरू (Top Gainers)

सर्वाधिक मूल्य घटेका कम्पनीहरू (Top Losers)