फिफाले सदस्य देशलाई ६ अर्ब ३५ करोड डलर वितरण गर्ने: प्रत्येकले २ करोड ५० लाख पाउने

काठमाडौँ, असोज २९ गते। अन्तर्राष्ट्रिय फुटबल महासंघ (फिफा) ले अबको चार वर्षको समयावधिका लागि आफ्ना सदस्य देशलाई ६ अर्ब ३५ करोड डलर वितरण गर्न विकास कोषको प्रस्ताव गर्ने भएको छ। यस अनुसार प्रत्येक सदस्य देशले २ करोड ५० लाख डलर पाउनेछन्।

फिफाको यस प्रस्तावबारे जानकारी भएका दुई अधिकारीले एपीलाई मंगलबार पुष्टि गरेका छन्। विश्व फुटबलको सर्वोच्च निकायले हालैको विश्वकपमा प्राप्त वित्तीय सफलतालाई उपयोग गर्दै २ सय ११ सदस्य देश र महादेशीय महासंघको खेलमा विकास गर्न यो रकम वितरण गर्ने योजना बनाएको हो।

यसअघि सुरुमा प्रत्येक चार वर्षमा एक करोड डलर सबै सदस्य देशले पाउने बताइएको थियो। यसै वर्षको विश्वकपमा ४८ देशको सहभागिता रहेको थियो र यसको सफलताले फिफाको सञ्चित कोषमा जम्मा भएको रकम बढेको थियो। अमेरिका, क्यानडा र मेक्सिकोमा सम्पन्न विश्वकपबाट फिफाले अनुमानित १५ अर्ब डलरभन्दा बढी आम्दानी गरेको अनुमान गरिएको छ।

यो प्रस्ताव यस्तो समयमा आएको छ, जतिबेला युरोपेली फुटबलका नेतृत्वमा रहेकाहरूले फिफाका वर्तमान अध्यक्ष जियानी इन्फान्टिनोलाई अध्यक्ष पदबाट हटाउन उनीविरुद्ध लड्न एक प्रभावशाली उम्मेदवार खोजिरहेका छन्। सन् २०१६ मा फिफाको अध्यक्ष बनेका इन्फान्टिनो आगामी वर्ष हुने निर्वाचनमा फेरि अध्यक्ष पदमा उठ्ने तयारीमा छन्।

फुटबलका सबै ६ सदस्यीय महासंघले इन्फान्टिनोको पछिल्लो प्रस्ताव २८ सेप्टेम्बरमा यससम्बन्धी पत्र प्राप्त गरेका थिए र फिफाको आगामी काउन्सिल बैठकले यस प्रस्तावलाई अन्तिम रूप दिने विश्वास गरिएको छ।