कर्णालीका मन्त्रीहरूद्वारा सम्पत्ति विवरण सार्वजनिक : अर्थमन्त्री पछाई सबैभन्दा धनी !

सुर्खेत, असोज २९ गते। कर्णाली प्रदेश सरकारका मन्त्रीहरूले आफ्नो सम्पत्ति विवरण सार्वजनिक गरेका छन्। मुख्यमन्त्री तथा मन्त्रिपरिषद्को कार्यालयको वेबसाइटमार्फत उनीहरूको सम्पत्ति विवरण सार्वजनिक गरिएको हो।

सम्पत्ति विवरण सार्वजनिक गर्ने मन्त्रीहरूमा भूमि व्यवस्था, कृषि तथा सहकारीमन्त्री जुम्कित लामा कार्की, जलस्रोत तथा ऊर्जा विकासमन्त्री कलबहादुर हमाल, भौतिक पूर्वाधार तथा सहरी विकासमन्त्री मिलन खड्का रोका, उद्योग, पर्यटन, वन तथा वातावरणमन्त्री कल्याणी खड्का, सामाजिक विकासमन्त्री जितबहादुर मल्ल र आर्थिक मामिला तथा योजनामन्त्री टेकराज पछाई रहेका छन्।

सार्वजनिक विवरणअनुसार आर्थिक मामिला तथा योजनामन्त्री टेकराज पछाई सबैभन्दा धनी देखिएका छन्। उहाँसँग २० तोला सुन, ५० तोला चाँदी, जुम्ला र बर्दियामा गरी ३१ ठाउँमा जग्गाजमिन तथा २८ वटा लघुवित्त तथा कम्पनीहरूमा सेयर रहेको उल्लेख छ। त्यस्तै, अन्य मन्त्रीहरूले पनि आ–आफ्नो पैतृक सम्पत्ति, बैंक मौज्दात तथा ऋण विवरण सार्वजनिक गरेका छन्।