साताको अन्तिम दिन दोहोरो अङ्कले घट्यो सेयर बजार

काठमाडौँ, असोज १६ गते । साताको अन्तिम कारोबार दिन शुक्रबार नेपाल स्टक एक्स्चेन्ज (नेप्से) परिसूचक दोहोरो अङ्कले घटेको छ। आज नेप्से सूचक ११.९० अङ्क (०.४५ प्रतिशत) ले घटेर २५८७.२५ विन्दुमा ओर्लिएर रोकिएको हो।

बजार घटे पनि शुक्रबार कारोबार रकमले भने ४ अर्ब रुपियाँ नाघेको छ। कुल ३५६ धितोपत्रका ४३ हजार ६८५ पटकको कारोबारबाट १ करोड १९ लाख १२ हजार ५५० कित्ता सेयर किनबेच हुँदा ४ अर्ब २९ करोड ३७ लाख ७४ हजार १८१ रुपियाँ बराबरको कारोबार भएको छ।

आज म्युचुअल फन्ड र व्यापार उपसमूहबाहेक बाँकी सबै उपसमूहको मूल्य घटेका कारण समग्र सेयर बजारमा ओरालो यात्रा देखिएको हो। सबैभन्दा धेरै उत्पादन तथा प्रशोधन उपसमूहका लगानीकर्ताले ०.७३ प्रतिशत गुमाएका छन्।

कारोबारमा एनएमबी डिबेन्चरको मूल्य सर्वाधिक १४.२९ प्रतिशत र एसबीएल डिबेन्चरको मूल्य ८.८० प्रतिशतले बढेको छ। अर्कोतर्फ, सिन्धु विकास बैंकका लगानीकर्ताले सबैभन्दा धेरै (८.५५ प्रतिशत) र धौलागिरि लघुवित्तका लगानीकर्ताले ४.९५ प्रतिशत गुमाएका छन्। अर्थ मन्त्रालयले सेयर बजार सुधारका उपाय घोषणा गरे पनि लगानीकर्ताहरू हाल ‘पर्ख र हेर’ को रणनीतिमा देखिएका छन्।

अग्रणी कमाउने कम्पनीहरू (Top Gainers)

अग्रणी गुमाउने कम्पनीहरू (Top Losers)