सेयर बजारमा लगातार सातौं दिनको वृद्धि: नेप्से २६३४ अंकमा कायम, ४ अर्ब ८८ करोडको कारोबार

काठमाडौँ, असोज ३० गते । नेपालको सेयर बजारमा लगातार सातौँ कारोबार दिन पनि वृद्धि कायम भएको छ। असोज २२ गतेयता हरेक कारोबार दिन उकालो लाग्दै आएको बजारमा आज नेप्से परिसूचक ८.२३ अंकले बढेर २६३४ अंकमा कायम भएको छ। यद्यपि लगातार सात दिनसम्म बजार बढे पनि यस अवधिमा जम्मा ६२ अंकको मात्र सामान्य वृद्धि देखिएको छ। अघिल्लो दिन नेप्से ४.५६ अंकले बढेको थियो।

कारोबार रकममा पनि केही सुधार आएको छ। अघिल्लो दिन ४ अर्ब ७० करोड रुपैयाँको सेयर कारोबार भएकोमा आज बढेर ४ अर्ब ८८ करोड रुपैयाँ पुगेको छ। आजको कारोबारमा १७४ वटा कम्पनीको सेयर मूल्य बढेको छ भने ९१ वटाको घटेको छ र १२ वटा कम्पनीको मूल्य स्थिर रहेको छ। आजको बजार वृद्धesमा प्रमुख रूपमा बैंकिङ समूहको योगदान उच्च रहेको छ जसमा लगानीकर्ताको आकर्षण कायमै देखिँदा बैंकिङ समूह सबैभन्दा धेरै ०.७२ प्रतिशतले बढेको छ।

त्यसैगरी, विकास बैंक (०.४२%), होटल तथा पर्यटन (०.३१%), जलविद्युत् (०.५२%), जीवन बीमा (०.०६%), उत्पादन तथा प्रशोधन (०.१५%) र माइक्रोफाइनान्स (०.५३%) बढेका छन् भने व्यापार, अन्य, निर्जीवन बीमा, लगानी तथा फाइनान्स समूह सामान्य घटेका छन्। आज चिरख्वा हाइड्रोपावर, बेनी हाइड्रोपावर र शुभम् पावर लगायतका कम्पनीहरूको सेयर मूल्यमा उच्च वृद्धि देखिएको छ भने घलेम्दी हाइड्रोपावर, नेपाल इन्भेस्टमेन्ट मेगा बैंक र ग्रिन भेन्चर्सलगायतका कम्पनीहरूको सर्वाधिक कारोबार भएको छ।

सर्वाधिक कमाउने कम्पनीहरू (Top Gainers)

सर्वाधिक गुमाउने कम्पनीहरू (Top Losers)