नेप्सेमा झिनो सुधार: कारोबार रकम भने घटेर साढे ३ अर्बमा सीमित

काठमाडौँ, साउन २७ गते । बुधबार सेयर बजारमा १०२ कम्पनीको मूल्य बढेको छ भने १६५ को घटेको छ। त्यस्तै ९ कम्पनीको मूल्य स्थिर रहेको छ।

धेरैजसो कम्पनीको मूल्य घटे पनि समग्र बजार परिसूचक नेप्से भने ०.५५ अंकको झिनो सुधारका साथ २६४२ विन्दुमा कायम भएको छ। परिसूचक धनात्मक रहे पनि कारोबार रकममा भने गिरावट आएको छ; अघिल्लो दिन ४ अर्ब ११ करोड रुपैयाँको कारोबार भएकोमा आज घटेर ३ अर्ब ५३ करोड रुपैयाँमा सीमित भएको छ।

समूहगत कारोबारतर्फ लगानी समूह सबैभन्दा धेरै २.२१ प्रतिशतले बढेको छ भने बैंकिङ, फाइनान्स र होटल तथा पर्यटन समूहमा पनि सुधार देखिएको छ। उता विकास बैंक, जलविद्युत्, बीमा, उत्पादन र माइक्रोफाइनान्ससहितका अन्य समूहहरू घटेका छन्। आजैबाट कारोबारमा आएको माउन्ट एभरेस्ट पावरको मूल्य सर्वाधिक १५ प्रतिशतले बढेर प्रतिकित्ता ३४५ रुपैयाँ पुगेको छ भने अपर लोहोरेखोलाको मूल्य १५ प्रतिशतले घटेको छ।

रकमका आधारमा आज सबैभन्दा धेरै १ अर्ब ५५ करोडको कारोबार हाइड्रोपावर समूहको भएको छ भने कम्पनीगत आधारमा एनआरएन इन्फ्रास्ट्रक्चर र सेन्ट्रल फाइनान्स अग्रस्थानमा रहेका छन्।

सेयर मूल्य बढेका प्रमुख कम्पनीहरू

सेयर मूल्य घटेका प्रमुख कम्पनीहरू

समूहगत परिसूचक परिवर्तन (Sub-Indices Change)