नेप्से ७.७९ अंकले घट्यो, कारोबार रकम ४ अर्ब २ करोड

काठमाडौं, साउन १३ गते । लगातार तेस्रो दिन घटेको सेयर बजार परिसूचक नेप्से आज ७.७९ अंकले घटेर २६८८ अंकमा झरेको छ। कारोबार रकममा गिरावट आई आज रु. ४ अर्ब २ करोड बराबरको कारोबार भएको छ (अघिल्लो दिन रु. ४ अर्ब ४२ करोड थियो)।

दिउँसो १२:४० बजे नेप्से अधिकतम २७०६ अंकसम्म पुगे पनि त्यसपछि लगातार ओरालो लागेको थियो। ‘अन्य’ उपसमूह ०.४३ प्रतिशतले बढ्दा बाँकी सम्पूर्ण उपसमूहका सूचकहरू घटेका छन्। आज ७८ कम्पनीको सेयर मूल्य बढ्दा १८६ कम्पनीको घट्यो भने ११ कम्पनीको स्थिर रह्यो।

एभरेस्ट कलरको मूल्य १५% ले बढेको छ भने स्नो रिभर्स (४.९०%), खानीखोला हाइड्रोपावर (३.६२%) लगायतका कम्पनी शीर्ष कमाउनेमा परेका छन्। मातृभूमि लघुवित्त (४.५४%), कर्पोरेट डेभलपमेन्ट बैंक (४.४२%) र शुभम् पावर (४.२६%) का सेयरधनीले बढी गुमाएका छन्। हिमालयन पावर पार्टनर, खानीखोला हाइड्रोपावर, रिलायन्स स्पिनिङ मिल्स, कर्पोरेट डेभलपमेन्ट बैंक, सेन्ट्रल फाइनान्स र रिडी पावर रकमका आधारमा अगाडि रहे।

सेयर मूल्यमा परिवर्तन

उच्च कमाउने र गुमाउने कम्पनीहरू

उपसमूहगत (Sub-index) प्रदर्शन