नेप्से परिसूचकमा सामान्य अंककाे वृद्धि, कारोबार रकम ६ अर्बभन्दा बढी

काठमाडौ ।  धितोपत्र बजारमा शेयर कारोबार मापक नेप्से परिसूचक आज झण्डै पाँच अंकले बढेको छ ।

नेप्से परिसूचक ४.९९ अंकले बढेर २ हजार ७८२.१० विन्दुमा पुगेको छ । त्यस्तै,सेन्सेटिभ इण्डेक्स १.२१ अंकले बढेको छ भने फ्लोट इण्डेक्स ०.४३ अंक र सेन्सेटिभ फ्लोट इण्डेक्स ०.४३ अंकले बढेको छ ।

आज कारोबारमा आएका ३५४ कम्पनीको १ करोड ५२ लाख ४९ हजार कित्ता सेयर ६ अर्ब ३ करोड ६४ हजार रुपैयाँबराबरको खरिदबिक्री भएको छ । पछिल्लो धेरै काराबारपछि बुधवार कारोबार रकम पनि बढेको छ । मंगलबार ४ अर्ब ८५ करोड रुपैयाँ बराबरको सेयर खरिदबिक्री थियो।

नेप्सेका १३ उपसमूहमध्ये ९ उपसमूहको परिसूचक बढेको छ भने ४ उपसमूहको परिसूचक घटेको छ । जसमा बैंकिङ्ग, म्युचुअल फण्ड, निर्जीवन बीमा विकास बैंक, जलविद्युत, लगानी, जीवन बीमा, लघुवित्त र व्यापार उपसमूहको परिसूचक सामान्य अंक बढेको छ ।

कालिञ्चोक हाइड्रोपावरको सेयरमूल्य १४.९८ प्रतिशत बढेको छ । त्यस्तै बुंगल हाइड्रोको सेयरमूल्य करिब साढे १३ प्रतिशतभन्दा बढी बढेको छ। तर यता सानिमा डिबेञ्चर २०८९ को मूल्य भने ६.६४ प्रतिशतले घटेको छ ।

कारोबार रकमका आधारमा आँखु खोला जलविद्युत कम्पनीको ७१ करोड २२ लाख ३३ हजार रुपैयाँबराबरको सेयर कारोबार भएको छ।