आमा सुरक्षा कार्यक्रमलाई पूर्ण निःशुल्क बनाउन तोसिमा कार्कीको माग: सडकमै बच्चा जन्मिएको घटनाको छानबिन गर्न आग्रह

काठमाडौँ, भदौ २६ गते। राष्ट्रिय स्वतन्त्र पार्टीकी सांसद डा. तोसिमा कार्कीले ‘आमा सुरक्षा कार्यक्रम’ लाई बच्चा जन्माउने काममा मात्र सीमित नराखी गर्भवती भएदेखिको सुरक्षित मातृत्वका सम्पूर्ण पक्षमा राज्यले निःशुल्क स्वास्थ्य सुविधा दिनुपर्ने माग गर्नुभएको छ।

प्रतिनिधिसभाको शुक्रबारको आकस्मिक समयमा बोल्दै सांसद कार्कीले अस्पतालमा ‘नो डिनायल इन लेबर’ नीति तुरुन्तै लागू गराउन सरकारको ध्यानाकर्षण गराउनुभयो।

सप्तरीस्थित गजेन्द्रनारायण सिंह अस्पतालले प्रसव पीडामा रहेकी गर्भवती बबिताकुमारी पासवानलाई बेवास्ता गर्दा सडकमै बच्चा जन्माउनुपरेको गम्भीर घटनाप्रति आपत्ति जनाउँदै सांसद कार्कीले सो अमानवीय व्यवहारको छानबिन गरी दोषीमाथि कारबाही गर्न माग गर्नुभयो। उक्त विषयमा एमाले सांसद भूमिका लिम्बू सुब्बा र कांग्रेस सांसद गीता गुरुङले पनि समर्थन जनाउँदै सुरक्षित मातृत्व राज्यको दायित्व भएको बताउनुभयो।

यस्तै, सोही बैठकको आकस्मिक समयमा कांग्रेस सांसदहरू रेनुका काउचा र जयपति रोकायाले भोटेकोशी बाढी प्रभावितहरूको उद्धार, राहत, पुनःस्थापना र जीविकोपार्जनका लागि सरकारको ध्यान खिच्नुभयो।

यस्तै, रास्वपा सांसद राजन गौतमले नवलपुरको हुप्सेकोटस्थित धौवादी फलाम खानी क्षेत्रमा धुवाँ निस्किरहेकाले सम्भावित जोखिमप्रति सतर्क रहन सरकारसँग आग्रह गर्नुभयो।

संसद्‍मा उठेका प्रमुख विषयहरूको संक्षिप्त तालिका: