सामान्य अङ्कले बढ्यो सेयर बजार : नेप्से २६३० विन्दुमा कायम, कारोबार रकममा भने भारी वृद्धि

काठमाडौं, कात्तिक १० गते । मंगलबार सेयर बजार झिनो अङ्कले उकालो लागेको छ। नेप्से परिसूचक ०.९४ अङ्कले बढेर २६३० अङ्कमा कायम भएको छ।

बजारमा सामान्य वृद्धि भए पनि खरिदबिक्रीमा भने निकै प्रतिस्पर्धा देखिएको छ, जसमा १३६ वटा कम्पनीको सेयर मूल्य बढेको छ भने १३५ वटाको घटेको छ। साथै, ८ वटा कम्पनीको मूल्य भने स्थिर रहेको छ। हिजो ४ अर्ब रुपैयाँको मात्र सेयर कारोबार भएकोमा आज कारोबार रकम बढेर ५ अर्ब ८० करोड रुपैयाँ पुगेको छ।

आजको कारोबारमा विशेष गरी जलविद्युत् क्षेत्रतर्फ लगानीकर्ताको उच्च आकर्षण देखिएको छ। जलविद्युत् समूहगत सूचक सबैभन्दा धेरै १.६५ प्रतिशत अर्थात् ५९ अङ्कले बढेको छ। यसअघिको दिन उत्पादन तथा प्रशोधन क्षेत्रमा आकर्षण देखिएकोमा आज माइक्रोफाइनान्स र अन्य समूहमा पनि सामान्य वृद्धि भएको छ। यद्यपि, बैंकिङ, विकास बैंक, फाइनान्स, होटल तथा पर्यटन, लगानी, जीवन बीमा, उत्पादन तथा प्रशोधन, निर्जीवन बीमा र व्यापार समूहका सूचकहरू भने घटेका छन्।

कम्पनीगततर्फ हालै सूचीकृत बेनी हाइड्रोपावरको सेयर मूल्य सबैभन्दा धेरै १५ प्रतिशतले बढेको छ भने युनिलिभर नेपालको मूल्य सबैभन्दा धेरै ४.९१ प्रतिशतले घटेको छ। आज धेरै कारोबार हुने कम्पनीहरूको अग्रपंक्तिमा घलेम्दी हाइड्रोपावर, पिपुल्स हाइड्रोपावर, सानिमा मिडिल तमोर, लिबर्टी इनर्जी, ग्रिन भेन्चर्स, हिमालयन डिस्टिलरी र अपी पावर रहेका छन्।

सर्वाधिक सेयर मूल्य बढेका कम्पनीहरू (Top Gainers)

सर्वाधिक सेयर मूल्य घटेका कम्पनीहरू (Top Losers)