नेप्से १५.४३ अङ्कले घट्यो: कारोबार रकम भने ४ अर्ब १९ करोड नाघ्यो, कुन-कुन कम्पनीका सेयरधनीले गुमाए?

काठमाडौँ, भदौ २४ गते । लगातार चार दिनको वृद्धिपछि बुधबार सेयर बजारका सबै उपसूचकहरू ओरालो लागेका छन्। बजार परिसूचक नेप्से १५.४३ अङ्कले घटेर २५४५ अङ्कमा कायम भएको छ। बजार घटे पनि कारोबार रकममा भने सामान्य सुधार आएको छ; अघिल्लो दिन ३ अर्ब ८३ करोड रुपियाँको कारोबार भएकोमा आज ४ अर्ब १९ करोड रुपियाँको कारोबार भएको छ।

आज कुल ७४ कम्पनीको सेयर मूल्य बढ्दा १९२ कम्पनीको घट्यो भने ११ कम्पनीको मूल्य स्थिर रह्यो। विकास बैंक समूह सबैभन्दा धेरै २.३७ प्रतिशतले घटेको छ।

उपसूचकहरूको अवस्था:

सबैभन्दा धेरै कमाउने र गुमाउने कम्पनीहरू:

सबैभन्दा धेरै कमाउने: अपर लोहोरेखोला हाइड्रोपावरको मूल्य सबैभन्दा धेरै १५ प्रतिशतले बढेको छ। त्यसैगरी शुभम् पावर (६.४०%), बाराही हाइड्रोपावर (५.७९%) र इङवा हाइड्रोपावर (३.६६%) का सेयरधनीले कमाएका छन्।

सबैभन्दा धेरै गुमाउने: इमर्जिङ नेपाल, सिन्धु विकास बैंक र जानकी फाइनान्सको सेयर मूल्य सर्वाधिक १५ प्रतिशतले घटेको छ। (मुक्तिनाथ विकास बैंकले सिन्धु र जानकीलाई एक्विजिसन गर्ने सम्झौता भएयता यिनीहरूको मूल्य घटिरहेको छ)।

अन्य घट्ने कम्पनीहरू: कालिन्चोक दर्शन (-१४.२८%), उपकार लघुवित्त (-१२.०४%), मुक्तिनाथ विकास बैंक (-७.९८%), त्रिशूली जलविद्युत् (-७.६०%), सप्तकोशी विकास बैंक (-७.३३%), नेपाल फाइनान्स (-६.४४%) र मैलुङखोला जलविद्युत् (-६.३२%) रहेका छन्।

आज रिलायन्स स्पिनिङ मिल्स, सेन्ट्रल फाइनान्स, एनआरएन इन्फ्रास्ट्रक्चर, सोलु हाइड्रोपावर, शिवम् सिमेन्ट, सानिमा मिडिल तमोर र इमर्जिङ नेपालको सेयर सर्वाधिक कारोबार भएको छ।