नेप्से ९.२४ अङ्कले बढ्यो, जलविद्युत् समूह अगाडि

काठमाडौं, भदौ १६ गते । अघिल्ला लगातार छ कारोबार दिन घटेको सेयर बजार साताको तेस्रो दिन मंगलबार भने उकालो लागेको छ। अघिल्लो दिनको तुलनामा बजार परिसूचक नेप्से ९.२४ अङ्कले बढेर २५२२ विन्दुमा कायम भएको छ। गत बुधबारको विनाशकारी बाढीपछि दबाबमा परेका जलविद्युत् र बिमा लगायतका समूहहरूमा आज सुधार देखिएको छ, जसमा जलविद्युत् समूह सर्वाधिक १.०१ प्रतिशतले बढेको छ।

बजार परिसूचक बढे पनि मंगलबार कारोबार रकममा भने गिरावट आएको छ। अघिल्लो दिन ३ अर्ब ६४ करोड रुपियाँ बराबरको कारोबार भएकोमा आज २ अर्ब ८९ करोड रुपियाँमा सीमित भएको छ। आज कुल १८२ कम्पनीको सेयर मूल्य बढ्दा ८४ कम्पनीको घटेको छ भने ११ कम्पनीको मूल्य स्थिर रहेको छ। उत्पादन तथा प्रशोधन समूह १.०० प्रतिशतले घट्दा बाँकी सबै समूहगत सूचकहरू सकारात्मक रहेका छन्।

मंगलबार माथिल्लो मैलुङ खोला जलविद्युत् कम्पनीका लगानीकर्ताले सर्वाधिक ७.१५ प्रतिशत कमाएका छन् भने इमर्जिङ नेपाल, सान्जेन जलविद्युत, मेन्छियाम हाइड्रोपावर लगायतका कम्पनीको मूल्य बढेको छ। अर्कोतर्फ उपकार लघुवित्तको सेयर मूल्य सर्वाधिक ८.४८ प्रतिशतले घटेको छ। आज कारोबार रकमका आधारमा सोलु हाइड्रोपावर, शिवम् सिमेन्ट, आँखुखोला जलविद्युत् र रिडी पावर क्रमशः अगाडि रहेका छन्।

सेयर मूल्य बढेका कम्पनीहरू (Top Gainers)

सेयर मूल्य घटेका कम्पनीहरू (Top Losers)