काठमाडौँ, मङ्सिर ५ गते । बजारमा सुनको मूल्य निरन्तर ओरालो लाग्दै शुक्रबार एकैदिन तोलामा १२ हजार दुई सय रुपियाँले घटेको छ ।
नेपाल सुनचाँदी व्यवसायी महासङ्घका अनुसार बिहीबार दुई लाख ५७ हजार ६ सय रुपियाँमा कारोबार भएको सुन घटेर दुई लाख ४५ हजार चार सय रुपियाँमा झरेको हो । अन्तर्राष्ट्रिय बजारमा पनि सुन एकैदिन दुई सय डलरले घटेर प्रतिऔंस तीन हजार ५२६ अमेरिकी डलर पुगेको छ ।
अमेरिकी केन्द्रीय बैङ्कले ब्याजदर बढाउनु, डलर बलियो हुनु, बेरोजगारी बढ्नु, सरकारी बन्डको प्रतिफल वृद्धि तथा ठुला लगानीकर्ताले सुन बेचेर सेयर र बन्डमा लगानी सार्नुलाई मूल्य घट्नुको प्रमुख कारण मानिएको छ ।
महासङ्घका प्रथम उपाध्यक्ष धर्मसुन्दर वज्राचार्यका अनुसार वल्र्ड गोल्ड काउन्सिलले एक वर्षभित्र प्रतिऔंस तीन हजारदेखि दुई हजार पाँच सय डलरसम्म झर्ने अनुमान गरेकाले स्थानीय बजारमा मूल्य दुई लाखदेखि एक लाख ५० हजार रुपियाँसम्म झर्न सक्ने देखिएको छ ।
२०८२ माघ १५ मा तोलाको तीन लाख ३९ हजार रुपियाँ पुगेको सुन दस महिनामा ९३ हजार तीन सय रुपियाँले घटेको महासङ्घले जनाएको छ । यस्तै चाँदीको मूल्य २२५ रुपियाँले घटेर तोलामा तीन हजार ११० रुपियाँमा झरेको छ, जुन गत वर्ष माघमा सात हजार रुपियाँसम्म पुगेको थियो ।
मूल्य घटेको र बिहेको लगन सुरु भएकाले बजारमा सुनको कारोबार ४० प्रतिशतले बढेको महासङ्घले जनाएको छ । सिजनमा दैनिक ३० देखि ४० किलो सुन खपत हुने गरे पनि वाणिज्य बैङ्कसँग सुन अभाव हुँदा नयाँ गहनाका अर्डर लिन कठिन भएको व्यवसायी तेजरत्न शाक्यले बताउनुभयो ।
| क्षेत्र / विषय | मुख्य विवरण वा कारण |
| पछिल्लो मूल्य र गिरावट | सुन तोलामा रु. १२,२०० घटेर रु. २,४५,४०० (अन्तर्राष्ट्रिय बजारमा प्रतिऔंस ३,५२६ डलर); चाँदी रु. २२५ घटेर रु. ३,११० । |
| मूल्य घट्नुका कारण | अमेरिकी ब्याजदर वृद्धि, बलियो डलर, बन्ड प्रतिफल वृद्धि तथा ठुला लगानीकर्ताले सुन बेचेर सेयर/बन्डमा लगानी सार्नु । |
| आगामी अनुमान र तुलना | एक वर्षमा अन्तर्राष्ट्रिय बजार २,५००–३,००० डलर झरे स्थानीयमा १.५–२ लाख पुग्न सक्ने; भारतभन्दा २०% भन्सार (भारतमा १५%) का कारण नेपालमा करिब रु. १२,००० महँगो । |
| माग र अभाव | सस्तो मूल्य र बिहेको सिजनले कारोबार ४०% बढ्यो; दैनिक ३०–४० केजी खपत हुने सिजनमा बैङ्कसँग सुन मौज्दात कम हुँदा बजारमा अभाव । |
What if you could work from Anywhere?
Explore More with something that can change your Life!













प्रतिक्रिया दिनुहोस्