11/21/2026, 09:18:43
शनिबार, मङि्सर ०६, २०८३

कात्तिकमा नेपालीको पहिलो श्रम गन्तव्य युएई, २० हजार ३२९ जनाले लिए श्रम स्वीकृति !

कुल ६५ हजार ८०८ जना वैदेशिक रोजगारीमा जाँदा कतार दोस्रो र मलेसिया तेस्रो गन्तव्य; असोजमा सबैभन्दा धेरै ७३ हजार ७६५ जना बिदेसिए


काठमाडौँ, मङ्सिर ५ गते । कात्तिक महिनामा नेपाली कामदारको पहिलो श्रम गन्तव्य संयुक्त अरब इमिरेट्स (युएई) बनेको छ । वैदेशिक रोजगार विभागका अनुसार कात्तिकमा कुल ६५ हजार ८०८ जनाले श्रम स्वीकृति लिएकामध्ये युएईका लागि २० हजार ३२९ जनाले स्वीकृति लिएका हुन् ।

विभागका महानिर्देशक नवराज ढकालका अनुसार चालु आर्थिक वर्षको सुरुदेखि नै युएई पहिलो गन्तव्य बनिरहेको छ । युएई जान साउनमा १८ हजार ७८४, भदौमा १८ हजार ४७७ र असोजमा २३ हजार ८९९ जनाले श्रम स्वीकृति लिएका थिए ।

कात्तिकमा दोस्रो मुख्य गन्तव्य कतारका लागि नौ हजार ५३८ जना, तेस्रो गन्तव्य मलेसियाका लागि आठ हजार ७६८ जना र साउदी अरबका लागि छ हजार ९८९ जनाले श्रम स्वीकृति लिएका छन् ।

विभागको तथ्याङ्क अनुसार चालु आवमा हालसम्म सबैभन्दा धेरै असोजमा ७३ हजार ७६५ जनाले श्रम स्वीकृति लिएका छन् । यसअघि साउनमा ७० हजार ४४१ जना र भदौमा ६० हजार ४२ जना वैदेशिक रोजगारीका लागि बिदेसिएका थिए ।

देश / महिना श्रम स्वीकृति सङ्ख्या (मुख्य विवरण)
युएई (कात्तिक र अघिल्ला महिना) कात्तिकमा २०,३२९ जना (पहिलो गन्तव्य); असोजमा २३,८९९, भदौमा १८,४७७ र साउनमा १८,७८४ जना ।
अन्य प्रमुख देश (कात्तिक) कतार ९,५३८ जना (दोस्रो), मलेसिया ८,७६८ जना (तेस्रो) र साउदी अरब ६,९८९ जना ।
कात्तिकको कुल स्वीकृति कुल ६५,८०८ जनाले श्रम स्वीकृति लिए ।
मासिक प्रवृत्ति (साउन–असोज) असोजमा सर्वाधिक ७३,७६५ जना, साउनमा ७०,४४१ जना र भदौमा ६०,०४२ जना ।