वीरगञ्ज भन्सार कार्यालयको राजस्व असुलीमा सुधार : ५० महिनापछि लगातार लक्ष्य सफल

वीरगञ्ज , कात्तिक १५ गते । मुलुकको प्रमुख व्यापारिक नाका मानिने वीरगञ्ज भन्सार कार्यालयको राजस्व असुलीको तथ्याङ्क पछिल्लो समय सुधारोन्मुख देखिएको छ।

भन्सार कार्यालयका सूचना अधिकृत पूर्णप्रसाद लम्सालका अनुसार, भन्सार विभागले दिएको मासिक लक्ष्य विगत लामो समयदेखि पूरा हुन सकेको थिएन तर चालु आर्थिक वर्ष २०८३/८४ को पछिल्लो दुई महिनादेखि भने कार्यालयले निरन्तर लक्ष्य पूरा गर्दै आएको छ। कोभिड महामारी र अन्तर्राष्ट्रिय आर्थिक मन्दीलगायतका विभिन्न कारणले आयात–निर्यातमा आएको कमीले गर्दा विगत ५० महिनादेखि भन्सारले तोकिएको लक्ष्य हासिल गर्न सकेको थिएन।

आर्थिक वर्ष २०७८/७९ को जेठ महिनायता निरन्तर निराशाजनक देखिएको राजस्व सङ्कलनमा यस वर्षको साउनदेखि सकारात्मक सङ्केत देखिएको हो। चालु आर्थिक वर्षको पहिलो महिना (साउन) मा लक्ष्यको ९१ दशमलव २४ प्रतिशत ९१८ अर्ब ७७ करोडभन्दा बढी० राजस्व सङ्कलन गरेको कार्यालयले दोस्रो महिना भदौमा लक्ष्यको एक सय दशमलव ४२ प्रतिशत ९२३ अर्ब ६१ करोडभन्दा बढी० र तेस्रो महिना असोजमा लक्ष्यको एक सय दशमलव २१ प्रतिशत ९२६ अर्ब ५१ करोडभन्दा बढी० राजस्व असुली गर्न सफल भएको छ।

भदौ र असोज महिनामा विभागले तोकेको लक्ष्यभन्दा करोडौँ रुपियाँ बढी राजस्व सङ्कलन भएसँगै यस आर्थिक वर्षमा वार्षिक लक्ष्य नै भेट्टाइने बलियो सम्भावना बढेको छ। आर्थिक वर्ष २०७८/७९ यता वार्षिक लक्ष्य पूरा गर्न असफल रहेको यस भन्सार कार्यालयका लागि चालु आवको यो सुरुआती प्रगति अर्थतन्त्र पुनरुत्थानको एक महत्त्वपूर्ण सङ्केतका रूपमा हेरिएको छ।

बजारमा आयातको अवस्था सहज बन्दै जानु र भन्सार प्रशासनमा भएको कडाइ तथा सुधारका कारण राजस्व असुलीमा यो सफलता मिलको व्यवसायी तथा अधिकारीहरूको भनाइ छ। आगामी महिनाहरूमा पनि यही लय कायम रहेमा राष्ट्रिय अर्थतन्त्र र राजश्व लक्ष्य प्राप्तिका लागि ठुलो टेवा पुग्नेछ।