नवनियुक्त मन्त्रीहरूले लिए पद तथा गोपनीयताको शपथ

नयाँ मन्त्रिपरिषद् संरचना अनुसार प्रधानमन्त्री साहले रक्षा तथा उद्योग मन्त्रालयको जिम्मेवारी आफैँसँग राखेका छन्। अर्थ मन्त्रालय स्वर्णिम वाग्लेको जिम्मामा परेको छ भने गृह मन्त्रालयको नेतृत्व सुदन गुरुङले सम्हालेका छन्। परराष्ट्र मन्त्रालय शिशिर खनाललाई दिइएको छ।

भौतिक पूर्वाधार तथा यातायातसँगै सहरी विकास मन्त्रालयको जिम्मेवारी सुनिल लम्साललाई दिइएको छ। ऊर्जा, जलस्रोत तथा सिँचाइ मन्त्रालयको नेतृत्व विराजभक्त श्रेष्ठले गरेका छन्। पर्यटन क्षेत्रको जिम्मेवारी खड्कराज पौडेल (गनेश) लाई तोकिएको छ।

शिक्षा, विज्ञान तथा प्रविधिसँगै युवा तथा खेलकुद मन्त्रालय सस्मित पोखरेलको जिम्मामा रहेको छ। स्वास्थ्य तथा जनसंख्या मन्त्रालयको जिम्मेवारी निशा मेहताले सम्हालेकी छन् भने सञ्चार मन्त्रालय विक्रम तिमिल्सिनालाई दिइएको छ।

यसैगरी, संघीय मामिला तथा सामान्य प्रशासन मन्त्रालय प्रतिभा रावलको जिम्मामा रहेको छ। श्रम मन्त्रालय दीपक साह (महोत्तरी)लाई दिइएको छ भने कानुन मन्त्रालय सोविता गौतमले सम्हालेकी छन्। महिला, बालबालिका सम्बन्धी मन्त्रालयको नेतृत्व सीता वादीले गरेकी छन्।