बुढीगण्डकीमा बाढी आएपछि त्रिशूली र नारायणी किनारका बासिन्दालाई उच्च सतर्कता अपनाउन आग्रह

चितवन, असोज २५ गते । बुढीगण्डकी नदीमा आएको बाढीका कारण तटीय क्षेत्रमा हुन सक्ने जोखिमलाई मध्यनजर गर्दै स्थानीय प्रशासनले त्रिशूली र नारायणी नदी किनारका सर्वसाधारणलाई उच्च सतर्कता अपनाउन आग्रह गरेको छ।

जिल्ला प्रहरी कार्यालयका प्रमुख रामेश्वर पौडेलका अनुसार बाढीको जोखिम बढेसँगै नदी किनारमा माइकिङ गरेर सुरक्षा सतर्कता अपनाउन माइकिङ गरिएको हो।

तटीय क्षेत्रका बासिन्दा, शवदाह कार्यमा संलग्न व्यक्तिहरू, व्यापारीहरू, तथा नदीमा माछा मार्ने र पौडी खेल्नेहरूलाई विशेष सतर्क रहन आग्रह गरिएको छ।

देवघाट क्षेत्रमा शवदाह गर्नेहरूलाई सुरक्षित तथा उच्च स्थानमा जान र नारायणी किनारमा ठेला वा रिक्सा राखेर व्यापार नगर्न अनुरोध गरिएको छ। मुग्लिनसम्मकै क्षेत्रमा बाढीको उच्च जोखिम रहेको जनाइएको छ।