ओस्कार अवार्डका लागि नेपालबाट चलचित्र ‘तिनीहरू: एलिफेन्ट्स इन दी फग’ छनोट

काठमाडौँ, भदौ २९ गते । ९९ औँ एकेडेमी अवार्ड (ओस्कार अवार्ड) का लागि नेपालबाट अविनाश विक्रम शाह निर्देशित चलचित्र ‘तिनीहरू: एलिफेन्ट्स इन दी फग’ आधिकारिक रूपमा छनोट भएको छ।

दी एकेडेमी अफ मोसन पिक्चर आर्ट्स एन्ड साइन्सेस अन्तर्राष्ट्रिय फिचर चलचित्र छनोट समिति (नेपाल) ले प्राविधिक पक्ष, कथाको प्रस्तुति, चरित्रको भावनात्मक विश्लेषण र कलात्मक शिल्पको गहन अध्ययन गरी यो चलचित्र सिफारिस गरेको हो।

प्रधानमन्त्री बालेन्द्र शाहले सामाजिक सञ्जालमार्फत चलचित्र ओस्कारमा छनोट भएकोमा बधाई तथा शुभकामना दिँदै यो चलचित्र हाल देशभर प्रदर्शनको दोस्रो सातामा रहेको उल्लेख गर्नुभएको छ। ओस्कारमा प्रतिस्पर्धाका लागि ‘तिनीहरू: एलिफेन्ट्स इन दी फग’ र ‘गौँथली’ गरी दुई चलचित्रले आवेदन दिएका थिए, जसमध्ये उत्कृष्ट मूल्याङ्कनसहित ‘तिनीहरू’ छनोटमा पर्न सफल भएको हो।

अन्तर्राष्ट्रिय स्तरको कान्स फिल्म फेस्टिभलमा जुरी अवार्ड जितिसकेको यो चलचित्रले जङ्गली हात्तीको आतङ्कबाट आक्रान्त बस्तीमा बसोबास गर्ने अल्पसङ्ख्यक समुदायको कथा प्रस्तुत गरेको छ। नेपाल, फ्रान्स, जर्मनी, ब्राजिल र नर्वेका निर्माण संस्थाहरूको सहकार्यमा बनेको यस चलचित्रमा पुष्पा थिङ लामा, दीपिका यादव, जस्मिन विश्वकर्मा, गौरी मल्ल, माओत्से गुरुङ लगायतका कलाकारहरूको अभिनय रहेको छ।

चलचित्र र ओस्कार छनोटसम्बन्धी मुख्य विवरण