सुन तोलामा ३ हजार ४ सय रुपैयाँले वृद्धि

काठमाडौँ, वैशाख १८ गते । स्थानीय बजारमा आज सुनचाँदीकोे मूल्य बढेको छ । सुन प्रतितोला ३ हजार ४ सय र चाँदी १३५ रुपैयाँले बढेको हो ।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला २ लाख ९६ हजार १ सय र त्यति नै परिमाणको चाँदीको मूल्य ४ हजार ९४५ कायम भएको छ ।

बिहीबार छापावाल सुनको मूल्य प्रतितोला २ लाख ९२ हजार ७ सय र त्यति नै परिमाणको चाँदी ४ हजार ८१० मा कारोबार भएको थियो । बुधबार एक तोला सुन २ लाख ९४ हजार ५ सय र चाँदी ४ हजार ९१५ मा किनबेच भएको थियो ।