प्रधानमन्त्री वालेन्द्र शाहको आसन्न भारत भ्रमणलाई उच्च महत्त्व : भारतीय प्रधानमन्त्री मोदीको शुभकामना सन्देशसहित विदेश सचिव मिश्रीद्वारा भेट

काठमाडौँ, कात्तिक २० गते । प्रधानमन्त्री वालेन्द्र शाहको मङ्सिर दोस्रो साता हुने आसन्न भारत भ्रमणलाई भारत सरकारले उच्च महत्त्व दिएको छ।

नेपाल भ्रमणमा आउनुभएका भारतका विदेश सचिव विक्रम मिश्रीले बिहीबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा प्रधानमन्त्री शाहसँग शिष्टाचार भेट गर्दै भारतीय प्रधानमन्त्री नरेन्द्र मोदीकोतर्फबाट अग्रिम शुभकामना सन्देश र भ्रमणलाई अर्थपूर्ण बनाउन भइरहेको उच्चस्तरीय तयारीबारे अवगत गराउनुभएको हो। नयाँ सरकार गठन भएपछि प्रधानमन्त्री शाहको यो पहिलो द्विपक्षीय विदेश भ्रमण हुनेछ, जसको औपचारिक मिति छिट्टै घोषणा गरिने परराष्ट्र मन्त्रालयले जनाएको छ।

भेटका क्रममा प्रधानमन्त्री शाहले गत भदौ महिनामा गएको विनाशकारी बाढीपछिको विपत्मा भारत सरकारले पहिलो साथ र सहयोगसहित पुर्‍याएको उद्धार तथा राहत सामग्रीप्रती आभार प्रकट गर्नुभयो।

साथै, अयोध्यादेखि जनकपुरसम्मको रेलमार्ग सञ्चालनका लागि आवश्यक सम्पूर्ण तयारी पूरा भई बिहीबार नै परीक्षण सफल भएको जानकारी विदेश सचिव मिश्रीले गराउनुभएको थियो। नेपाल–भारतबीचका साझा मुद्दाहरू, विभिन्न परियोजनाहरूको प्रगति तथा ऊर्जा, जलस्रोत र व्यापारलगायतका द्विपक्षीय संयन्त्रहरूको बैठक सफल भएको विषयमा पनि उहाँहरूबीच छलफल भएको थियो।

विदेश सचिव मिश्रीले आफ्नो नेपाल भ्रमणका क्रममा प्रधानमन्त्री शाहसँगै राष्ट्रिय स्वतन्त्र पार्टीका सभापति रवि लामिछानेसँग पनि भेटवार्ता गर्नुभएको थियो। यसअघि उहाँले बुधबार अर्थमन्त्री स्वर्णिम वाग्ले, परराष्ट्रमन्त्री शिशिर खनाल र ऊर्जामन्त्री विराजभक्त श्रेष्ठ लगायतसँग समेत शिष्टाचार भेटघाट गरी द्विपक्षीय हितका विविध विषयमा कुराकानी गर्नुभएको थियो। भेटघाट सम्पन्न गरेर विदेश सचिव मिश्री बिहीबार नै स्वदेश फर्किसक्नुभएको छ।

प्रधानमन्त्री शाहको यो आसन्न उच्चस्तरीय भ्रमणले नेपाल र भारतबीचको ऐतिहासिक, आर्थिक तथा कूटनीतिक सम्बन्धलाई थप सुदृढ बनाउनुका साथै पारस्परिक सहयोगका क्षेत्रलाई अझ फराकिलो बनाउने विश्वास लिइएको छ।