काठमाडौँ, कात्तिक ९ गते । काठमाडौँको बबरमहलस्थित निर्माणाधीन आकाशे पुल यसै साताभित्र सञ्चालनमा आउने भएको छ। सवारीसाधनको चाप र पैदलयात्रुको बाक्लो आवागमनलाई मध्यनजर गर्दै उक्त आकाशे पुल निर्माण गरिएको हो।
पुल निर्माण भएसँगै पैदलयात्रुले सुरक्षित रूपमा सडक पार गर्न सजिलो हुनुका साथै सडक दुर्घटना न्यूनीकरणमा ठूलो सहयोग पुग्ने अपेक्षा गरिएको छ। सडक डिभिजन कार्यालय, काठमाडौँका अनुसार पुल निर्माणको भौतिक प्रगति अन्तिम चरणमा पुगेकाले केही दिनभित्रै सर्वसाधारणका लागि खुला गर्ने तयारी भइरहेको छ।
२०८२ फागुन २१ गते निर्माण सम्झौता भई यस पुलको निर्माण कार्य सुरु भएको थियो। पुल यसै साताभित्रै पैदलयात्रुका लागि सञ्चालनमा ल्याउने तयारी गरिएको सडक डिभिजन कार्यालय काठमाडौँका प्रमुख सुबोध देवकोटाले जानकारी दिएका छन्।
उक्त पुल निर्माणका लागि कुल रु दुई करोड ५२ लाख ४५ हजार ९५३ लागत निर्धारण गरिएको थियो। पुल निर्माणको सम्पूर्ण जिम्मेवारी हेटौँडास्थित हाइटेक इन्जिनियरिङ वक्र्स प्रा.लि.ले पाएको सडक डिभिजन कार्यालय काठमाडौँले जनाएको छ।
| क्र.सं. | विशेषता / कारण | विवरण |
| १ | सड़क सुरक्षा | पैदलयात्रुहरूलाई सुरक्षित रूपमा सडक पार गर्न सजिलो बनाउनु। |
| २ | दुर्घटना न्यूनीकरण | व्यस्त सडकमा हुने सवारी दुर्घटनाको जोखिम कम गर्नु। |
| ३ | समय सीमा | २०८२ फागुन २१ गतेको सम्झौता अनुरूप यसै साताभित्र सञ्चालनमा ल्याइनु। |
| ४ | लागत तथा जिम्मा | रु २ करोड ५२ लाख ४५ हजार ९५३ को लागतमा हाइटेक इन्जिनियरिङ वक्र्स प्रालिद्वारा निर्माण। |
What if you could work from Anywhere?
Explore More with something that can change your Life!
प्रतिक्रिया दिनुहोस्