भक्तपुरमा ब्याङ्क्वेटमा राखिएका ६० ग्यास सिलिन्डर सर्वसाधारणलाई वितरण, कालोबजारी गर्ने दुई जना पक्राउ

भक्तपुर, भदौ २६ गते। जिल्ला प्रशासन कार्यालय भक्तपुरले मध्यपुर थिमिस्थित मध्यपुर ब्याङ्क्वेटमा थुपारेर राखिएका ६० वटा ग्यास सिलिन्डर नियन्त्रणमा लिई सर्वसाधारणलाई वितरण गरेको छ।

प्रमुख जिल्ला अधिकारी विनोदकुमार खड्काको नेतृत्वमा बिहीबार साँझ गरिएको अनुगमनका क्रममा भेटिएका ती ग्यास सिलिन्डरहरू ग्यास अभाव झेलिरहेका सर्वसाधारणलाई बिक्री वितरण गरिएको हो। ब्याङ्क्वेट सञ्चालकले आगामी असोजमा हुने भोज-भतेरका लागि चितवनबाट ग्यास ल्याएको बताएका थिए।

यसैबिच, ग्यासको कृत्रिम अभाव र कालोबजारी गरेको अभियोगमा जिल्ला प्रहरी परिसर भक्तपुरले दुई जनालाई पक्राउ गरेको छ। भक्तपुर नगरपालिका–२ इटाछेबाट १४ वटा सगर ग्यास सिलिन्डरसहित ४१ वर्षीय राजेश कर्मचार्य र सूर्यविनायक नगरपालिका–३ ब्रह्मनगरस्थित सर्लाही जनरल स्टोरका सञ्चालक २५ वर्षीय उमेश साह पक्राउ परेका हुन्।

प्रहरीका अनुसार सर्लाहीका उमेश साहले प्रतिसिलिन्डर दुई हजार ८०० रुपियाँसम्ममा ग्यास बिक्री गरिरहेको विशेष सूचनाका आधारमा पक्राउ गरिएको हो। साहको पसलबाट ७५ वटा हिमाल ग्यासका सिलिन्डरसमेत जफत गरी प्रहरीले आवश्यक कानुनी कारबाही अगाडि बढाएको छ।

घटना तथा कारबाहीको संक्षिप्त विवरण: