बसन्तचोकमा ईभी कारमा आगलागी, एक जनाको जलेर मृत्यु

चितवन, भदौ २६ गते। चितवनको भरतपुर महानगरपालिका–९ स्थित बसन्तचोकमा शुक्रबार बिहान गुडिरहेको एक विद्युतीय (ईभी) कारमा अचानक आगलागी हुँदा एक जनाको मृत्यु भएको छ।

पूर्व–पश्चिम राजमार्गको सर्भिस लेनमा पूर्वबाट पश्चिमतर्फ आउँदै गरेको बा.प्र. ०१–०३० च ५५७९ नम्बरको कारमा बिहान करिब ६ बजे आगलागी भएको जिल्ला प्रहरी कार्यालय चितवनले जनाएको छ।

घटनालगत्तै पुगेको दमकलको सहायताले आगो नियन्त्रणमा लिइएको थियो। आगो नियन्त्रणमा आएपछि गाडीभित्र एक जना पुरुष जलेर मृत अवस्थामा फेला परेको प्रहरी उपरीक्षक रामेश्वर पौडेलले जानकारी दिनुभएको छ।

आगलागीका कारण कार पूर्ण रूपमा जलेर क्षतिग्रस्त भएको छ। दुर्घटनामा ज्यान गुमाउने व्यक्तिको पहिचान (सनाखत) अझै हुन नसकेको र घटनाबारे थप अनुसन्धान भइरहेको प्रहरीले जनाएको छ।

घटनाको संक्षिप्त विवरण: