काठमाडौँ, भदौ २५ गते । गत भदौ १० गते आएको अविरल बाढीका कारण रसुवागढी, बेत्रावती र त्रिशूली क्षेत्रमा नेपाल टेलिकमको अप्टिकल फाइबर नेटवर्कमा गम्भीर क्षति पुगेको थियो।
बाढीले मुख्य पूर्वाधारसहित करिब १२८ किलोमिटर एरियल अप्टिकल फाइबर क्याबल बगाउँदा त्यस क्षेत्रका कुल १ हजार ५४४ एफटिटिएच (FTTH) लाइन पूर्ण रूपमा अवरुद्ध हुन पुगेका थिए।
| विवरण | विवरण/संख्या |
| घटनाको कारण | भदौ १० गते आएको बाढी |
| प्रभावित क्षेत्रहरू | रसुवागढी, बेत्रावती र त्रिशूली |
| भौतिक क्षति | – ओएलटी (OLT): २ वटा (रसुवागढी र बेत्रावतीमा १–१ वटा) – एफडिसी (FDC): ५ वटा (रसुवागढी १, बेत्रावती १, त्रिशूली ३) – एरियल अप्टिकल फाइबर क्याबल: करिब १२८ किमी |
| कुल प्रभावित एफटिटिएच लाइन | १,५४४ लाइन |
| पुनःसञ्चालनमा आएका लाइन (पहिलो चरण) | १,०९३ लाइन |
| हालको अवस्था | पहिलो चरणको नेटवर्क सुचारु कार्य सम्पन्न |
विपद्लगत्तै प्राविधिक जनशक्ति तथा स्रोत-साधन परिचालन गरी नेपाल टेलिकमले मर्मत कार्यलाई तीव्र पारिएको थियो। जसअनुसार हालसम्म १ हजार ९३ वटा लाइनहरू सफलतापूर्वक पुनःसञ्चालनमा आएसँगै पहिलो चरणको सेवा सुचारु गर्ने कार्य सम्पन्न भएको टेलिकमले जनाएको छ।
बाँकी रहेका लाइनहरू पनि भौगोलिक विकटता, बस्तीको अवस्था र ग्राहकको मागका आधारमा क्रमैसँग सञ्चालनमा ल्याइनेछ। प्राकृतिक विपद्को यस कठिन परिस्थितिमा धैर्यता र विश्वास राखिदिनुभएकोमा कम्पनीले ग्राहकवर्गप्रति हार्दिक आभार व्यक्त गरेको छ।
What if you could work from Anywhere?
Explore More with something that can change your Life!
