काठमाडौँ, १५ बैसाख: इन्डियन प्रिमियर लिग (आइपिएल) अप्रिल २७, २०२५ मा भएको खेलमा मुम्बई इण्डियन्स र रोयल च्यालेंजरले जित निकालेका छन् । मुम्बई इण्डियन्सले लखनउ सुपर जाइन्ट्समाथि ५४ रनको जित दर्ता गर्यो भने रोयल च्यालेन्जर बेन्ग्लुरुले दिल्ली क्यापिटल्सलाइ ६ विकेटले पराजित गर्यो ।
पहिलो पारि ब्याटिंग गरेको मुम्बई इन्डियन्सले २० ओभर ब्याटिंग गर्दै ७ विकेटको क्षतिमा २१५ रन बनायो भने २१६ रनको लक्ष्य पछ्याउने क्रममा लखनउ सुपर जाइन्ट्सले २० ओभरमा सम्पूर्ण विकेट गुमाउदै १६१ रन मात्र बनाउन सक्यो । मुम्बईका रायन रिकलटनले ३२ बलमा ५८ रन र सुर्यकुमार यादवले २८ बलमा ५४ रनको पारि खेले । लखनउका मयंक यादव र आवेश ख़ानले २/२ विकेट लिए । लखनउबाट आयुष बदोनी र मिचेल मार्शले क्रमशः ३५ र ३४ रनको पारि खेले । लखनउलाइ सस्तोमा समेट्ने क्रममा मुम्बईका जसप्रीत बुमराह र ट्रेंट बोल्टले क्रमशः ४ र ३ विकेट लिए भने म्यान अफ द म्याच मुम्बईका विल जैक्सले २ विकेट लिनुका साथै २९ रनको पारि खेलेका थिए ।
आइतबार नै भएको दोश्रो खेलमा दिल्ली क्यापिटल्सले पहिलो पारी ब्याटिंग गरेको थियो । के एल राहुलको ४१ रनको मद्दतले दिल्ली क्यापिटल्सले २० ओभरमा ८ विकेट गुमाउदै १६२ रन बनाएको थियो । बेग्लुरुका भुवनेश्वर कुमार र जॉश हेज़लवुडले क्रमसः ३ र २ विकेट लिए । सुयश शर्माले कुनै विकेट नलिएपनि ४ ओभर बल्लिंग गर्दै ५.५ रनको इकोनोमीमा २२ रनमात्र दिए । रोयल च्यालेन्जर बेन्ग्लुरुले १६३ रनको लक्ष्य १८.३ ओभरमा ४ विकेट गुमाएर जित हासिल गर्यो । एक समय ६३ रनमा ३ विकेट गुमाएको बेन्ग्लुरुले बिराट कोहली र क्रुणाल पंड्याको जोडीको ११९ रनको साझेदारीले उक्त लक्ष्य भेट्न सहज भयो । बिराट कोहली आउट हुदा १४५ रन बनिसकेको अवस्था थियो र जित्नको लागि बाकी १८ रन चाहियेकोमा क्रुणाल पंड्या र टिम डेविडले पुरा गरे । टिम डेविडले ५ बल खेल्दै ३ चौका र १ छक्का प्रहार गर्दै १९ रन बनाए । दिल्लीका क्याप्टेन अक्षर पटेलले २ विकेट लिए ।
आजको खेल : #RRVGT
हालसम्मको अंक तालिका
| टीमहरू | खेल (M) | जित (W) | हार (L) | बराबरी (T) | कुनै नतिजा छैन (N/R) | अङ्क (PT) | नेट रनरेट (NRR) |
|---|---|---|---|---|---|---|---|
| रॉयल च्यालेन्जर्स बेंगलुरु | 10 | 7 | 3 | 0 | 0 | 14 | 0.521 |
| गुजरात टाइटन्स | 8 | 6 | 2 | 0 | 0 | 12 | 1.104 |
| मुंबई इन्डियन्स | 10 | 6 | 4 | 0 | 0 | 12 | 0.889 |
| दिल्ली क्यापिटल्स | 9 | 6 | 3 | 0 | 0 | 12 | 0.482 |
| पञ्जाब किंग्स | 9 | 5 | 3 | 0 | 1 | 11 | 0.177 |
| लक्नाउ सुपर जायन्ट्स | 10 | 5 | 5 | 0 | 0 | 10 | -0.325 |
| कोलकाता नाइट राइडर्स | 9 | 3 | 5 | 0 | 1 | 7 | 0.212 |
| सनराइजर्स हैदराबाद | 9 | 3 | 6 | 0 | 0 | 6 | -1.103 |
| राजस्थान रोयल्स | 9 | 2 | 7 | 0 | 0 | 4 | -0.625 |
| चेन्नई सुपर किंग्स | 8 | 2 | 6 | 0 | 0 | 4 | -0.580 |
What if you could work from Anywhere?
Explore More with something that can change your Life!
