सानिमा बैङ्कको २२औँ वार्षिक साधारण सभा सम्पन्न: सेयरधनीलाई १८ प्रतिशत लाभांश दिने प्रस्ताव पारित

काठमाडौँ, असोज १३ गते । सानिमा बैङ्क लिमिटेडले आफ्ना सेयरधनीहरूलाई १८ प्रतिशत लाभांश दिने भएको छ। बैङ्कको सोमबार काठमाडौँमा सम्पन्न २२औँ वार्षिक साधारण सभाले गत असार मसान्तको साधारण सेयर पुँजीको १० प्रतिशत नगद लाभांश (करसहित) र अग्राधिकार सेयर पुँजीको ८.२५ प्रतिशत नगद लाभांश (करसहित) प्रदान गर्ने प्रस्ताव सर्वसम्मत पारित गरेको छ।

साधारण सभाले सर्वसाधारण सेयरधनी समूहको तर्फबाट तेजबहादुर चन्द र महेश घिमिरेलाई बैङ्कको सञ्चालक पदमा निर्विरोध निर्वाचित गरेको छ।

आर्थिक वर्ष २०८२/८३ मा बैङ्कले ३ अर्ब ५५ करोड रुपियाँ खुद मुनाफा आर्जन गर्न सफल भएको छ। सोही अवधिमा बैङ्कको कुल सम्पत्ति २९१.२१ अर्ब, कुल निक्षेप २४९.९३ अर्ब तथा खुद कर्जा सापटी २०३.९९ अर्ब रुपियाँ पुगेको बैङ्कले जनाएको छ।

अघिल्लो आर्थिक वर्ष २०८१/८२ को तुलनामा बैङ्कले आफ्नो निक्षेपमा १०.८४ प्रतिशत, कर्जा सापटीमा ११.१९ प्रतिशत र कुल सम्पत्तिमा १०.५० प्रतिशतले वृद्धि गर्न सफल भएको जनाएको छ।