विदेशी मुद्राको विनिमय दर सार्वजनिक: अमेरिकी डलर र युरोको मूल्य कति?

काठमाडौँ, असोज ४ गते । नेपाल राष्ट्र बैंकले आजका लागि विदेशी मुद्राको विनिमय दर निर्धारण गरेको छ। केन्द्रीय बैंकका अनुसार अमेरिकी डलर एकको खरिददर १५३ रुपियाँ १० पैसा र बिक्रीदर १५३ रुपियाँ ७० पैसा तोकिएको छ।

त्यस्तै, युरोपियन युरो एकको खरिददर १७५ रुपियाँ ८३ पैसा र बिक्रीदर १७६ रुपियाँ ५२ पैसा कायम गरिएको छ। युके पाउन्ड स्ट्रलिङको खरिददर २०४ रुपियाँ ६९ पैसा तथा बिक्रीदर २०५ रुपियाँ ५० पैसा निर्धारण गरिएको छ।

अन्य प्रमुख मुद्राहरूमा अष्ट्रेलियन डलरको बिक्रीदर १०९ रुपियाँ ५१ पैसा, क्यानेडियन डलरको १०९ रुपियाँ ८० पैसा, र जापानी येन १० को बिक्रीदर नौ रुपियाँ ७३ पैसा रहेको छ। साथै, खाडी मुलुकका साउदी रियाल र कतारी रियालको बिक्रीदर क्रमशः ४० रुपियाँ ९२ पैसा र ४२ रुपियाँ १६ पैसा कायम भएको छ।

केन्द्रीय बैंकले आवश्यकतानुसार जुनसुकै समयमा पनि यो विनिमयदर संशोधन गर्न सक्ने जनाएको छ। वाणिज्य बैंकहरूले तोक्ने विनिमयदर भने केही फरक हुन सक्नेछ।