11/18/2026, 13:08:12
बुधबार, मङि्सर ०३, २०८३

राष्ट्र बैंकद्वारा ५० रुपियाँको नयाँ बैंकनोट चलन-चल्तीमा


काठमाडौँ, असोज २ गते । नेपाल राष्ट्र बैंकले नयाँ डिजाइन र विशेषतासहितको ५० रुपियाँदरको नयाँ बैंकनोट असोज २ गतेदेखि चलन-चल्तीमा ल्याउने भएको छ। मुद्रा व्यवस्थापन विभागका अनुसार नयाँ नोट साविककै आकार र रङमा निष्कासन गरिन लागिएको हो।

नयाँ नोटको अगाडिको भागमा प्रतिज्ञात्मक वाक्यांशका साथै बायाँतर्फ सगरमाथा हिमालको चित्र र दायाँतर्फ लालीगुराँसको पानीछाप रहेको छ। नोटको तल्लो भागमा सिरिज नम्बर ‘वि.सं. २०८२’ तथा गभर्नर प्रा.डा. विश्वनाथ पौडेलको दस्तखत रहेको छ। साथै, १.२ मिलिमिटर चौडा सुरक्षा धागोमा प्रकाशतर्फ पारेर हेर्दा देखिने गरी ‘NRB’ लेखिएको छ।

नोटको पछाडिपट्टिको भागमा हिँडिरहेको चितुवाको चित्र, माथि ‘NEPAL RASTRA BANK’ र तल्लो खण्डमा अंग्रेजीमा ‘RUPEES FIFTY’ तथा ‘2025 A.D.’ उल्लेख गरिएको छ। राष्ट्र बैंकले यसअघिका नोटहरूसँगै यो नयाँ सिरिजको नोट पनि एकसाथ बजारमा प्रचलनमा ल्याउने जनाएको छ।

५० रुपियाँको नयाँ नोटका मुख्य विशेषताहरू

विवरण / भाग मुख्य विशेषता तथा विवरण
आकार र रङ साविककै आकार र रङ कायम
अगाडिको भाग सगरमाथाको चित्र, लालीगुराँसको पानीछाप र प्रतिज्ञात्मक वाक्यांश
दस्तखत र सिरिज गभर्नर प्रा.डा. विश्वनाथ पौडेलको दस्तखत (वि.सं. २०८२)
सुरक्षा धागो १.२ मिमी चौडा, प्रकाशमा हेर्दा पूर्ण रूपमा देखिने (‘NRB’ लेखिएको)
पछाडिको भाग हिँडिरहेको चितुवाको चित्र, ‘NEPAL RASTRA BANK’, ‘RUPEES FIFTY’ (2025 A.D.)