अमेरिका, भदौ २४ गते । संयुक्त राष्ट्रसङ्घको ८१ औँ महासभा मङ्गलबारदेखि न्युयोर्कस्थित राष्ट्रसङ्घीय मुख्यालयमा औपचारिक रूपमा सुरु भएको छ। ‘विश्वासको पुनस्र्थापना, रूपान्तरणको व्यवस्थापन: सबैका लागि काम गर्ने संयुक्त राष्ट्रसङ्घ’ भन्ने नाराका साथ सुरु भएको यो महासभा आगामी सेप्टेम्बर २९ सम्म सञ्चालन हुनेछ।
महासभाको उद्घाटन सत्रलाई सम्बोधन गर्दै नवनियुक्त अध्यक्ष खालिलुर रहमान र महासचिव एन्टोनियो गुटेरेसले विश्वशान्ति, सुरक्षा, जलवायु परिवर्तन, दिगो विकास, गरिबी तथा मानवीय सङ्कट जस्ता जल्दाबल्दा मुद्दाहरूलाई आपसी संवाद र बहुपक्षीय सहकार्यमार्फत समाधान गर्नुपर्नेमा जोड दिनुभयो।
प्रमुख विषयवस्तु तथा छलफलका क्षेत्रहरू:
- अध्यक्ष रहमानको भनाइ: विश्वशान्ति, न्याय, पर्यावरणीय दिगोपन, मानवअधिकार, डिजिटल गभर्नेन्स र राष्ट्रसङ्घको पुनर्संरचना जस्ता विषयमा महासभाले ठोस नतिजा निकाल्ने विश्वास व्यक्त गर्नुभयो।
- महासचिव गुटेरेसको भनाइ: द्वन्द्व, विभाजन र आणविक जोखिम जस्ता चुनौतीहरूबाट समग्र विश्व प्रभावित भइरहेको अवस्थामा राष्ट्रसङ्घको ध्यान प्रभावकारी रणनीति र कार्यक्रम बनाउनेतर्फ केन्द्रित हुनुपर्ने बताउनुभयो।
नेपालको सहभागिता र धारणा:
- स्थायी नियोगको बधाई: न्युयोर्कस्थित नेपाली स्थायी नियोगले विज्ञप्ति जारी गर्दै बङ्गलादेशी कूटनीतिज्ञ रहमानलाई अध्यक्ष पदभार ग्रहण गर्नुभएकोमा बधाई दिँदै महासभाबाट रचनात्मक संवाद र जलवायु न्यायको अपेक्षा व्यक्त गरेको छ।
- कम विकसित देशहरूको पक्षमा जोड: कम विकसित देशहरूको (LDCs) अध्यक्षको हैसियतमा राष्ट्रसङ्घका लागि नेपाली स्थायी प्रतिनिधि लोकबहादुर थापाले अफ्रिकन मुलुकका मन्त्रीस्तरीय समीक्षा बैठकमा सम्बोधन गर्दै उत्पादन क्षमता वृद्धि, डिजिटलाइजेसन, जलवायु उत्थानशीलता र सामाजिक सुरक्षाका लागि विश्वव्यापी ऐक्यबद्धताका साथ वित्तीय स्रोत जुटाउन अपिल गर्नुभयो।
What if you could work from Anywhere?
Explore More with something that can change your Life!
