11/21/2026, 08:34:50
शनिबार, मङि्सर ०६, २०८३
सातौँ एसपीए सुदूरपश्चिम स्पोर्ट्स अवार्ड

सातौँ सुदूरपश्चिम स्पोर्ट्स अवार्ड : दीपेन्द्र वर्ष खेलाडी र शेर मल्ललाई ‘स्पेशल अवार्ड’


धनगढी, असार २० गते । नेपाली राष्ट्रिय क्रिकेट टोलीका उपकप्तान दीपेन्द्रसिंह ऐरी र टोलीका सदस्य शेर मल्लले स्पोर्ट्स अवार्ड प्राप्त गर्नुभएको छ । नेपाल खेलकुद पत्रकार मञ्च कैलालीले धनगढीमा आयोजना गरेको ‘सातौँ एसपीए सुदूरपश्चिम स्पोर्ट्स अवार्ड’ मा दुवै जनाले अवार्ड जित्नुभएको हो ।

अवार्ड अन्तर्गत वर्ष खेलाडी पुरुषतर्फ अलराउन्डर दीपेन्द्रसिंह ऐरी उत्कृष्ट घोषित हुनुभयो । यसैगरी, नेपाली क्रिकेटमा बलरका रूपमा उत्कृष्ट लयमा रहनुभएका क्रिकेट टोलीकै सदस्य शेर मल्ललाई ‘स्पेशल अवार्ड’ प्रदान गरिएको छ ।

मञ्चद्वारा आयोजित सोही समारोहमा कबड्डीकी मानमती विष्ट वर्ष खेलाडी महिलातर्फ उत्कृष्ट घोषित हुँदै अवार्ड जित्न सफल हुनुभयो ।

अन्य विधागत अवार्ड विजेताहरू:

विधा विजेता खेल
वर्ष प्रशिक्षक विष्णुदत्त भट्ट कबड्डी
वर्ष युवा खेलाडी विक्रम नाथ एथलेटिक्स
सुदूरपश्चिम आइकन (पुरुष) अशोक भण्डारी भारोत्तोलन
सुदूरपश्चिम आइकन (महिला) पूजा साउँद एथलेटिक्स
लाइफटाइम एचिभमेन्ट अवार्ड सुरेश हमाल मरणोपरान्त