चीनले अमेरिकाबाट तेल खरिद गर्ने इच्छा देखिएपछि तेलको मूल्य बढ्यो

काठमाडौँ, जेठ १ गते । डोनाल्ड ट्रम्पले चीनले अमेरिकाबाट तेल खरिद गर्ने इच्छा देखाएको बताएपछि तेलको मूल्य १ प्रतिशतभन्दा बढीले बढेको छ ।

ब्रेन्ट क्रुड तेलको फ्युचर्स मूल्य १.१७ डलर अर्थात् १.११ प्रतिशतले बढेर प्रति ब्यारेल १०६.८९ डलर पुगेको छ । यस्तै अमेरिकी वेस्ट टेक्सास इन्टरमिडियट (डब्लुटीआई) फ्युचर्स १.१० डलर अर्थात् १.०९ प्रतिशतले बढेर प्रति ब्यारेल १०२.२७ डलरमा कारोबार भएको छ ।

हर्मुज जलमार्ग क्षेत्रमा जहाजमाथि आक्रमण र नियन्त्रणमा लिने घटनाप्रति चिन्ता कायम रहेकाले पनि तेलको मूल्य बढेको हो । यद्यपि इरानले बिहीबार करिब ३० वटा जहाज हर्मुज क्षेत्रबाट पार गरेको जनाएको थियो ।