नेपाली कांग्रेस १५औँ महाधिवेशन: बिहीबार बिहान १० बजेदेखि मतदान सुरु हुँदै, ७ हजार २५५ प्रतिनिधिले मत हाल्ने

काठमाडौँ, असोज २१ गते । नेपाली कांग्रेसको १५औँ महाधिवेशन अन्तर्गत नयाँ केन्द्रीय कार्यसमिति चयनका लागि बिहीबार बिहान १० बजेदेखि मतदान प्रक्रिया सुरु हुने भएको छ। महाधिवेशनमा देशभरिबाट आएका कुल ७ हजार २५५ जना प्रतिनिधिहरूले कांग्रेसको आगामी नेतृत्व चयनका लागि आफ्नो मताधिकार प्रयोग गर्नेछन्।

केन्द्रीय निर्वाचन समितिका संयोजक एवं वरिष्ठ अधिवक्ता प्रेमबहादुर खड्काका अनुसार यसअघि बिहान ७ बजेदेखि नै मतदान सुरु गर्ने तालिका रहे पनि लगातारको वर्षा र केही प्राविधिक कारणले गर्दा ३ घण्टा ढिला गरी बिहान १० बजेबाट मतदान सुरु गर्न लागिएको हो।

निर्वाचन समितिले प्रतिनिधिहरूको सहजता र भिडभाड व्यवस्थापनका लागि काठमाडौँका तीन वटा प्रमुख स्थानहरूमा सात वटा मतदान केन्द्रको व्यवस्था गरेको छ। प्रतिनिधिहरूले आफ्नो प्रदेश तथा प्रतिनिधित्व गर्ने समूहका आधारमा तोकिएको स्थानमा पुगेर मतदान गर्नुपर्नेछ।

जसअनुसार राष्ट्रिय सभागृहमा बागमती प्रदेशका प्रतिनिधिहरूले मतदान गर्नेछन्। खुलामञ्चमा कोशी, मधेस, कर्णाली, सुदूरपश्चिम प्रदेशका साथै भ्रातृ, शुभेच्छुक संस्था र विदेशस्थित जनसम्पर्क समितिका प्रतिनिधिहरूका लागि केन्द्र तोकिएको छ। प्रज्ञा भवनमा भने गण्डकी र लुम्बिनी प्रदेशका प्रतिनिधिहरूले मतदान गर्ने व्यवस्था मिलाइएको छ।

स्थान तथा प्रदेशअनुसार मतदान केन्द्रको विवरण