काठमाडौँ, मङ्सिर ५ गते । जर्ज मन्सेको आक्रामक शतकीय पारीको मद्दतले सुदूरपश्चिम रोएल्सले साविक विजेता लुम्बिनी लायन्सलाई पराजित गर्दै नेपाल प्रिमियर लिग (एनपीएल) को तेस्रो संस्करणको उपाधि जितेको छ ।
टीयू मैदानमा पहिला ब्याटिङ गर्दै लुम्बिनीले ६ विकेट गुमाएर १५५ रन बनाएकोमा सुदूरपश्चिमले १३.३ ओभरमै कुनै विकेट नगुमाई १५८ रन बनाउँदै लक्ष्य पूरा गरेको हो ।
सुरुवाती दुई संस्करणको फाइनलमा पराजित भएको सुदूरपश्चिमले तेस्रो प्रयासमा उपाधि उचालेको हो । पहिलो संस्करणमा जनकपुर बोल्ट्स र दोस्रो संस्करणमा लुम्बिनी लायन्ससँग फाइनल हारेको सुदूरपश्चिमले गत वर्षको फाइनलदेखि यस सिजनको क्वालिफायरसम्म लुम्बिनीसँग बेहोरेका लगातार तीन हारको बदला लिएको छ ।
प्लेअफका अघिल्ला दुई खेलमा चल्न नसकेका स्कटिस ब्याटर मन्सेले फाइनलमा ५४ बल खेल्दै ८ चौका र १२ छक्का प्रहार गर्दै अविजित १२५ रन बनाउनुभयो । उहाँ एनपीएल फाइनलमा शतक बनाउने पहिलो तथा समग्रमा शतक प्रहार गर्ने छैटौँ खेलाडी बन्नुभएको छ भने यस सिजन शतक बनाउने तेस्रो खेलाडी हुनुहुन्छ ।
लुम्बिनीका लागि दिलिप नाथले अविजित ३९, कप्तान रोहित पौडेलले ३०, निरोशन डिकवेलाले २८, अली शेखले २४ र डार्शी सर्टले २१ रन जोड्दा बलिङतर्फ सुदूरपश्चिमका स्कट कुगेलेइनले २ तथा दीपेन्द्र सिंह ऐरी, थरिन्दु रत्नायके र हेमन्त धामीले समान १ विकेट लिनुभयो ।
| विषय / पक्ष | मुख्य विवरण वा स्कोर |
| नतिजा र लक्ष्य | लुम्बिनी १५५/६ (२० ओभर); सुदूरपश्चिम १५८/० (१३.३ ओभर) — बिना विकेटको क्षतिमा शानदार जित । |
| जर्ज मन्सेको कीर्तिमान | ५४ बलमा ८ चौका र १२ छक्कासहित अविजित १२५ रन; एनपीएल फाइनलमा शतक बनाउने पहिलो र समग्रमा छैटौँ खेलाडी । |
| इतिहास र बदला | पहिलो र दोस्रो संस्करणको उपविजेता सुदूरपश्चिम तेस्रोपटकमा च्याम्पियन; लुम्बिनीसँगका अघिल्ला तीन हारको बदला । |
| प्रमुख योगदान | लुम्बिनीबाट दिलिप नाथ (३९*) र रोहित पौडेल (३०); बलिङमा कुगेलेइन २ विकेट र ऐरी, रत्नायके, धामी १–१ विकेट । |
What if you could work from Anywhere?
Explore More with something that can change your Life!












प्रतिक्रिया दिनुहोस्