काठमाडौँ, असोज १ गते । पारिवारिक कथावस्तुमा आधारित बहुप्रतीक्षित नेपाली चलचित्र ‘झिँगेदाउ २’ को लबिम मलस्थित क्यूएफएक्स सिनेमाजमा भव्य प्रिमियर शो आयोजना गरिएको छ।
प्रिमियर शोमा चलचित्र क्षेत्रका चर्चित कलाकार, निर्देशक, निर्माता तथा सञ्चारकर्मीहरूको ठूलो उपस्थिति रहेको थियो।
चलचित्र हेरेपछि उपस्थित सेलिब्रेटीहरूले यसको कथावस्तु, निर्देशन तथा कलाकारहरूको अभिनयको खुलेर प्रशंसा गरेका छन्। विशेष गरी अभिनेत्रीद्वय केकी अधिकारी र आँचल शर्माको अभिनयका साथै आमाको महिमा र देउरानी-जेठानी बीचको पारिवारिक सम्बन्धलाई जीवन्त रूपमा प्रस्तुत गरिएको भन्दै चलचित्रले हलमा लामो समय सफलता पाउने प्रतिक्रिया दिएका छन्।
ज्ञानेन्द्र देउजाको निर्देशनमा बनेको यो चलचित्र असोज २ गतेदेखि देशभरका सिनेमा घरहरूमा प्रदर्शन हुँदैछ। कपनगढी सिनेमा र फिल्म क्रिउ नेपालको ब्यानरमा निर्मित यस चलचित्रको बुधबारदेखि नै अग्रिम टिकट बुकिङ (Advance Booking) पनि खुलिसकेको छ।
| विवरण | मुख्य जानकारी |
| प्रिमियर स्थल | लबिम मल (क्यूएफएक्स सिनेमाज), ललितपुर |
| प्रदर्शन मिति | असोज २ गतेदेखि (अग्रिम बुकिङ खुला) |
| मुख्य विषयवस्तु | जेठानी-देउरानी बीचको कलह र आमाको महत्त्व |
| मुख्य कलाकारहरू | केकी अधिकारी, आँचल शर्मा, आर्यन सिक्देल, महेश त्रिपाठी, कुशल बिष्ट आदि |
| निर्देशक र निर्माता | निर्देशक: ज्ञानेन्द्र देउजा / निर्माता: सुलभ प्रतिक देउजा, समिक्षा देउजा |
| कथा/पटकथा | कथा: गोविन्द फुयाँल र शिशिर चालिसे / पटकथा-संवाद: परिच्छेद सेन |
What if you could work from Anywhere?
Explore More with something that can change your Life!
