शुक्लाफाँटाको पिल्लरीफाँटामा जङ्गली हात्तीको आतङ्क: दुई घर भत्काए, स्थानीय त्रासमा

कञ्चनपुर, भदौ २८ गते । कञ्चनपुरको शुक्लाफाँटा नगरपालिका-८ स्थित पिल्लरीफाँटामा जङ्गली हात्तीको बथानले बस्तीमा पसेर उपद्रव मच्चाएको छ।

आज हात्तीको बथानले स्थानीय सूर्य चौधरी र महेश नेपालको घर भत्काएर क्षति पुर्‍याएको स्थानीय निरज जप्रेलले जानकारी दिनुभएको छ। बस्तीमै पसेर घर भत्काउन थालेपछि पिल्लरीफाँटाका स्थानीयबासीहरू अत्यन्तै त्रसित बनेका छन्।

घर भत्काएपछि उक्त हात्तीको बथान अहिले पनि गाउँ नजिकै रहेको बैजनाथ सामुदायिक वनमा बसिरहेको छ। हात्ती गाउँ नजिकैको जङ्गलमै रहेकाले जुनसुकै बेला पुनः बस्तीमा पस्न सक्ने भन्दै स्थानीयहरूले उच्च सतर्कता अपनाउन र सुरक्षा व्यवस्था मिलाउन आग्रह गरेका छन्।

घटनालगत्तै डिभिजन वन कार्यालय कञ्चनपुरका वन अधिकृत लक्ष्मीराज जोशीले स्थानीय प्रशासनको समन्वयमा हात्ती रहेको क्षेत्रमा निगरानी बढाइएको बताउनुभएको छ। उहाँका अनुसार हात्तीलाई बस्तीबाट धपाउनका लागि शुक्लाफाँटा राष्ट्रिय निकुञ्ज र सुरक्षा निकायहरूसँग निरन्तर समन्वय भइरहेको छ।

घटनाको विवरण तथा सारांश