‘एलिफेन्ट इन दी फग’: किन्नर समुदाय र मातृत्वको कथा, एसिया प्यासिफिक अवार्डमा ३ विधामा मनोनयन

काठमाडौँ, भदौ २६ गते। किन्नर (लैङ्गिक अल्पसङ्ख्याक) समुदायको जीवन सङ्घर्ष र भावनात्मक मातृत्वको विषयमा आधारित चलचित्र ‘एलिफेन्ट इन दी फग’ (तिनीहरू) गत शुक्रबारदेखि प्रदर्शन भइरहेको छ।

अविनाशविक्रम शाहको निर्देशन र पटकथा रहेको यस चलचित्रले जङ्गली हात्तीको गस्तीका क्रममा हराएकी छोरी (अप्सरा) लाई खोज्न आमा (पिरती)ले गरेको सङ्घर्ष र मातृत्वको गहिरो संवेदनालाई चित्रण गरेको छ।

यस चलचित्रले प्रतिष्ठित १९ औँ एसिया प्यासिफिक स्क्रिन अवार्ड्समा उत्कृष्ट चलचित्र, उत्कृष्ट निर्देशक र उत्कृष्ट अभिनय गरी तीन प्रमुख विधामा मनोनयन प्राप्त गरेको छ। ३२ देशका ३६ चलचित्र समेटिएको सूचीमा परेको यस चलचित्रको अवार्ड घोषणा आगामी अक्टोबर ३० मा अस्ट्रेलियामा हुँदैछ।

नेपाल, फ्रान्स, जर्मनी, ब्राजिल र नर्वेको सहकार्यमा बनेको यस चलचित्रमा गौरी मल्ल, माओत्से गुरुङ, पुष्पा थिङ लामा, दीपिका यादव, जस्मिन विश्वकर्मा लगायतका कलाकारहरूको जीवन्त अभिनय रहेको छ। अनुप पौडेल, जस्टिन पेचबर्टी, डेमियन मेघेर्बी र माइकल हेनरिक्स निर्माता रहेको चलचित्रका सहनिर्माताहरूमा नायिका केकी अधिकारीसमेत संलग्न हुनुहुन्छ।

चलचित्र ‘एलिफेन्ट इन दी फग’ सम्बन्धी मुख्य विवरण: