ताप्लेजुङ, साउन १३ गते । कञ्चनजङ्घा संरक्षण क्षेत्रमा गत आर्थिक वर्ष २०८२/८३ मा एक हजार ३३१ विदेशी पर्यटकले भ्रमण गरेका छन् ।
कञ्चनजङ्घा संरक्षण क्षेत्र कार्यालयका अनुसार तीमध्ये ७९ जना सार्क राष्ट्रका र एक हजार २५२ जना अन्य विदेशी पर्यटक हुन् । सबैभन्दा बढी पर्यटक कात्तिकमा ६०७ जना आएका थिए ।
गत आ.व.मा ४९ जना नेपालीले पनि कञ्चनजङ्घा क्षेत्रको भ्रमण गरेका छन् । पर्यटकबाट कार्यालयले भ्रमण शुल्कबापत २७ लाख २८ हजार चार सय रुपियाँ राजस्व सङ्कलन गरेको छ । यसअघि आर्थिक वर्ष २०८१/८२ मा एक हजार ३८० पर्यटकले कञ्चनजङ्घा क्षेत्रको भ्रमण गरेका थिए ।
| पर्यटकको वर्ग | पुरुष | महिला | जम्मा |
|---|---|---|---|
| सार्क राष्ट्रका पर्यटक | ६८ | ११ | ७९ |
| अन्य विदेशी पर्यटक | ८१३ | ४३९ | १,२५२ |
| जम्मा विदेशी पर्यटक | ८८१ | ४५० | १,३३१ |
| नेपाली पर्यटक | ४८ | १ | ४९ |
What if you could work from Anywhere?
Explore More with something that can change your Life!
