गौरीगञ्जका वडा सचिव साह घुससहित पक्राउ

काठमाडौँ, साउन ११ गते । झापाको गौरीगञ्ज गाउँपालिका वडा नंं. १ मा कार्यरत वडा सचिव अजयकुमार साह दश हजार रुपियाँ घुस रकमसहित पक्राउ परेका छन् ।

अख्तियार दुरुपयोग अनुसन्धान आयोगका प्रवक्ता सुरेश न्यौपानेका अनुसार सम्बन्ध विच्छेद दर्ता प्रमाणपत्र जारी गर्नका लागि सेवाग्राहीलाई दुख हैरानी दिइ घुस माग गरेको भन्ने सूचनाका आधारमा आयोगको टोलीले सोमबार उनलाई नियन्त्रणमा लिएको हो ।

सेवाग्राहीबाट घुस रकम लिइसकेको अवस्थामा सो रकमसहित स्थानीय होटलबाट उनलाई नियन्त्रणमा लिइएको हो । उनीमाथि थप अनुसन्धान भइरहेको आयोगले जनाएको छ ।